रात मैं शाना-ए-इदराक से लग कर सोया
बंद की आँख तो अफ़्लाक से लग कर सोया
ऊँघता था कहीं मेहराब की सरशारी में
इक दिया सा किसी चक़माक़ से लग कर सोया
एक जलता हुआ आँसू जो नहीं सोता था
देर तक दीदा-ए-नमनाक से लग कर सोया
अन-गिनत आँखें मिरे जिस्म पे चुँधयाई रहीं
बुक़ा-ए-नूर मिरी ख़ाक से लग कर सोया
कूज़ा-गर ने मिरे बारे में ये दफ़्तर में लिखा
चाक से उतरा मगर चाक से लग कर सोया
नींद की शर्त थी तन्हा नहीं सोना मुझ को
हिज्र था सो उसी सफ़्फ़ाक से लग कर सोया
रात काँटों पे गुज़ारी तो सवेरे सोचा
किस लिए ख़ेमा-ए-उश्शाक़ से लग कर सोया
नींद सूली पे चली आई सौ ज़ख़्म-ए-उर्यां
अपनी इक ख़्वाहिश-ए-पोशाक से लग कर सोया
raat maiñ shāna-e-idrāk se lag kar soyā
band kī aañkh to aflāk se lag kar soyā
ūñghtā thā kahīñ mehrāb kī sarshārī meñ
ik diyā sā kisī chaqmāq se lag kar soyā
ek jaltā huā aañsū jo nahīñ sotā thā
der tak dīda-e-namnāk se lag kar soyā
an-ginat āñkheñ mire jism pe chuñdhyā.ī rahīñ
buqa-e-nūr mirī ḳhaak se lag kar soyā
kūza-gar ne mire baare meñ ye daftar meñ likhā
chaak se utrā magar chaak se lag kar soyā
niiñd kī shart thī tanhā nahīñ sonā mujh ko
hijr thā so usī saffāk se lag kar soyā
raat kāñToñ pe guzārī to savere sochā
kis liye ḳhema-e-ushshāq se lag kar soyā
niiñd suulī pe chalī aa.ī sau zaḳhm-e-uryāñ
apnī ik ḳhvāhish-e-poshāk se lag kar soyā
رات میں شانۂ ادراک سے لگ کر سویا
بند کی آنکھ تو افلاک سے لگ کر سویا
اونگھتا تھا کہیں محراب کی سرشاری میں
اک دیا سا کسی چقماق سے لگ کر سویا
ایک جلتا ہوا آنسو جو نہیں سوتا تھا
دیر تک دیدۂ نمناک سے لگ کر سویا
ان گنت آنکھیں مرے جسم پہ چندھیائی رہیں
بقعۂ نور مری خاک سے لگ کر سویا
کوزہ گر نے مرے بارے میں یہ دفتر میں لکھا
چاک سے اترا مگر چاک سے لگ کر سویا
نیند کی شرط تھی تنہا نہیں سونا مجھ کو
ہجر تھا سو اسی سفاک سے لگ کر سویا
رات کانٹوں پہ گزاری تو سویرے سوچا
کس لیے خیمۂ عشاق سے لگ کر سویا
نیند سولی پہ چلی آئی سو زخم عریاں
اپنی اک خواہش پوشاک سے لگ کر سویا