राहत न मिल सकी मुझे मय-ख़ाना छोड़ कर
गर्दिश में हूँ मैं गर्दिश-ए-पैमाना छोड़ कर
ख़ुम में सुबू में जाम में निय्यत लगी रही
मय-ख़ाने ही में हम रहे मय-ख़ाना छोड़ कर
आँखों को छोड़ जाऊँ इलाही मैं क्या करूँ
हटती नहीं नज़र रुख़-ए-जानाना छोड़ कर
आता है जी में साक़ी-ए-मह-वश पे बार बार
लब चूम लूँ तिरा लब-ए-पैमाना छोड़ कर
होती कहाँ है दिल से जुदा दिल की आरज़ू
जाता कहाँ है शम्अ को परवाना छोड़ कर
दो घूँट ने बढ़ा दिए रिंदों के हौसले
मीना ओ ख़ुम पे झुक पड़े पैमाना छोड़ कर
फिर बू-ए-ज़ुल्फ़-ए-यार ने आ कर सितम किया
फिर चल दिया मुझे दिल-ए-दीवाना छोड़ कर
याद आई किस की आँख कि रिंद उठ खड़े हुए
पैमाना तोड़ कर मय ओ मय-ख़ाना छोड़ कर
दुनिया में आफ़ियत की जगह है यही 'जलील'
जाना कहीं न गोशा-ए-मय-ख़ाना छोड़ कर
rāhat na mil sakī mujhe mai-ḳhāna chhoḌ kar
gardish meñ huuñ maiñ gardish-e-paimāna chhoḌ kar
ḳhum meñ subū meñ jaam meñ niyyat lagī rahī
mai-ḳhāne hī meñ ham rahe mai-ḳhāna chhoḌ kar
āñkhoñ ko chhoḌ jā.ūñ ilāhī maiñ kyā karūñ
haTtī nahīñ nazar ruḳh-e-jānāna chhoḌ kar
aatā hai jī meñ sāqi-e-mah-vash pe baar baar
lab chuum luuñ tirā lab-e-paimāna chhoḌ kar
hotī kahāñ hai dil se judā dil kī aarzū
jaatā kahāñ hai sham.a ko parvāna chhoḌ kar
do ghūñT ne baḌhā diye rindoñ ke hausle
miinā o ḳhum pe jhuk paḌe paimāna chhoḌ kar
phir bū-e-zulf-e-yār ne aa kar sitam kiyā
phir chal diyā mujhe dil-e-dīvāna chhoḌ kar
yaad aa.ī kis kī aañkh ki riñd uTh khaḌe hue
paimāna toḌ kar mai o mai-ḳhāna chhoḌ kar
duniyā meñ āfiyat kī jagah hai yahī 'jalīl'
jaanā kahīñ na gosha-e-mai-ḳhāna chhoḌ kar
راحت نہ مل سکی مجھے مے خانہ چھوڑ کر
گردش میں ہوں میں گردش پیمانہ چھوڑ کر
خم میں سبو میں جام میں نیت لگی رہی
مے خانے ہی میں ہم رہے مے خانہ چھوڑ کر
آنکھوں کو چھوڑ جاؤں الٰہی میں کیا کروں
ہٹتی نہیں نظر رخ جانانہ چھوڑ کر
آتا ہے جی میں ساقئ مہ وش پہ بار بار
لب چوم لوں ترا لب پیمانہ چھوڑ کر
ہوتی کہاں ہے دل سے جدا دل کی آرزو
جاتا کہاں ہے شمع کو پروانہ چھوڑ کر
دو گھونٹ نے بڑھا دیے رندوں کے حوصلے
مینا و خم پہ جھک پڑے پیمانہ چھوڑ کر
پھر بوئے زلف یار نے آ کر ستم کیا
پھر چل دیا مجھے دل دیوانہ چھوڑ کر
یاد آئی کس کی آنکھ کہ رند اٹھ کھڑے ہوئے
پیمانہ توڑ کر مے و مے خانہ چھوڑ کر
دنیا میں عافیت کی جگہ ہے یہی جلیلؔ
جانا کہیں نہ گوشۂ مے خانہ چھوڑ کر