क़ुर्स-ए-ख़ुर को देख कर तस्कीं रख ऐ मेहमान-ए-सुब्ह
ता-दहान-ए-शाम पहुँचाता है राज़िक़ नान-ए-सुब्ह
मअ'नी-ए-रौशन जो हों तो सौ से बेहतर एक शेर
मतला-ए-ख़ुर्शीद काफ़ी है पए-दीवान-ए-सुब्ह
सैर-चश्मी दीद के भूखों की देखो कहती है
मह पनीर-ए-शाम है ख़ुर्शीद-ए-ताबाँ नान-ए-सुब्ह
सदक़े उस पर्वरदिगार-ए-पाक के जिस ने किया
बहर-ए-तिफ़्ल-ए-ग़ुंचा पैदा शीर-ए-बे-पिस्तान-ए-सुब्ह
सुब्ह-दम ग़ाएब हुए 'अंजुम' तो साबित हो गया
ख़ंदा-ए-बेहूदा पर तोड़े गए दंदान-ए-सुब्ह
वस्ल की शब आँख दिखला कर ये अंजुम कहते हैं
लो क़यामत आई मशरिक़ से उठा तूफ़ान-ए-सुब्ह
देखे वो गुलशन जो दिन-दो-दिन रहे याँ मिस्ल-ए-गुल
हम तो शबनम-साँ 'नसीम' एक दम के हैं मेहमान-ए-सुब्ह
qurs-e-ḳhur ko dekh kar taskīñ rakh ai mehmān-e-sub.h
tā-dahān-e-shām pahuñchātā hai rāziq nān-e-sub.h
ma.anī-e-raushan jo hoñ to sau se behtar ek sher
matl.a-e-ḳhurshīd kaafī hai pa.e-dīvān-e-sub.h
sair-chashmī diid ke bhūkoñ kī dekho kahtī hai
mah panīr-e-shām hai ḳhurshīd-e-tābāñ nān-e-sub.h
sadqe us parvardigār-e-pāk ke jis ne kiyā
bahr-e-tifl-e-ġhuncha paidā shīr-e-be-pistān-e-sub.h
sub.h-dam ġhā.eb hue 'anjum' to sābit ho gayā
ḳhanda-e-behūda par toḌe ga.e dandān-e-sub.h
vasl kī shab aañkh dikhlā kar ye anjum kahte haiñ
lo qayāmat aa.ī mashriq se uThā tūfān-e-sub.h
dekhe vo gulshan jo din-do-din rahe yaañ misl-e-gul
ham to shabnam-sāñ 'nasīm' ek dam ke haiñ mehmān-e-sub.h
قرص خور کو دیکھ کر تسکیں رکھ اے مہمان صبح
تا دہان شام پہنچاتا ہے رازق نان صبح
معنیٔ روشن جو ہوں تو سو سے بہتر ایک شعر
مطلع خورشید کافی ہے پئے دیوان صبح
سیر چشمی دید کے بھوکوں کی دیکھو کہتی ہے
مہ پنیر شام ہے خورشید تاباں نان صبح
صدقے اس پروردگار پاک کے جس نے کیا
بہر طفل غنچہ پیدا شیر بے پستان صبح
صبح دم غائب ہوئے انجمؔ تو ثابت ہو گیا
خندۂ بیہودہ پر توڑے گئے دندان صبح
وصل کی شب آنکھ دکھلا کر یہ انجم کہتے ہیں
لو قیامت آئی مشرق سے اٹھا طوفان صبح
دیکھے وہ گلشن جو دن دو دن رہے یاں مثل گل
ہم تو شبنم ساں نسیمؔ ایک دم کے ہیں مہمان صبح