क़यामत है शब-ए-वादा का इतना मुख़्तसर होना
फ़लक का शाम से दस्त-ओ-गरेबान-ए-सहर होना
शब-ए-तारीक ने पहलू दबाया रोज़-ए-रौशन का
ज़हे क़िस्मत मिरे बालीं पे तेरा जल्वागर होना
हवा-ए-तुंद से कब तक लड़ेगा शोला-ए-सरकश
अबस है ख़ुद-नुमाई की हवस में जल्वागर होना
दियार-ए-बे-ख़ुदी है अपने हक़ में गोशा-ए-राहत
ग़नीमत है घड़ी भर ख़्वाब-ए-ग़फ़लत में बसर होना
वही साक़ी वही साग़र वही शीशा वही बादा
मगर लाज़िम नहीं हर एक पर यकसाँ असर होना
सुना करते थे आज आँखों से देखें देखने वाले
निगाह-ए-'यास' का संगीं-दिलों पर कारगर होना
qayāmat hai shab-e-vāda kā itnā muḳhtasar honā
falak kā shaam se dast-o-garebān-e-sahar honā
shab-e-tārīk ne pahlū dabāyā roz-e-raushan kā
zahe qismat mire bālīñ pe terā jalvagar honā
havā-e-tund se kab tak laḌegā shola-e-sarkash
abas hai ḳhud-numā.ī kī havas meñ jalvagar honā
diyār-e-be-ḳhudī hai apne haq meñ gosha-e-rāhat
ġhanīmat hai ghaḌī bhar ḳhvāb-e-ġhaflat meñ basar honā
vahī saaqī vahī sāġhar vahī shīsha vahī baada
magar lāzim nahīñ har ek par yaksāñ asar honā
sunā karte the aaj āñkhoñ se dekheñ dekhne vaale
nigāh-e-'yās' kā sañgīñ-diloñ par kārgar honā
قیامت ہے شب وعدہ کا اتنا مختصر ہونا
فلک کا شام سے دست و گریبان سحر ہونا
شب تاریک نے پہلو دبایا روز روشن کا
زہے قسمت مرے بالیں پہ تیرا جلوہ گر ہونا
ہوائے تند سے کب تک لڑے گا شعلۂ سرکش
عبث ہے خود نمائی کی ہوس میں جلوہ گر ہونا
دیار بے خودی ہے اپنے حق میں گوشۂ راحت
غنیمت ہے گھڑی بھر خواب غفلت میں بسر ہونا
وہی ساقی وہی ساغر وہی شیشہ وہی بادہ
مگر لازم نہیں ہر ایک پر یکساں اثر ہونا
سنا کرتے تھے آج آنکھوں سے دیکھیں دیکھنے والے
نگاہ یاسؔ کا سنگیں دلوں پر کارگر ہونا