क़रीने से अजब आरास्ता क़ातिल की महफ़िल है
जहाँ सर चाहिए सर है जहाँ दिल चाहिए दिल है
हर इक के वास्ते कब इश्क़ की दुश्वार मंज़िल है
जिसे आसाँ है आसाँ है जिसे मुश्किल है मुश्किल है
ज़हे तक़दीर किस आराम ओ राहत से वो बिस्मिल है
कि जिस के सर का तकिया देर से ज़ानू-ए-क़ातिल है
तरीक़-ए-इश्क़ कुछ आसान है कुछ हम को मुश्किल है
इधर रहबर उधर रहज़न यही मंज़िल-ब-मंज़िल है
मुझे तुझ से रुकावट और तू ग़ैरों पे माइल है
मिरा दिल अब तिरा दिल है तिरा दिल अब मिरा दिल है
बढ़ा दिल इस क़दर फ़र्त-ए-ख़ुशी से वस्ल की शब को
मुझे ये वहम था पहलू में ये तकिया है या दिल है
तिरी तलवार के क़ुर्बान ऐ सफ़्फ़ाक क्या कहना
इधर कुश्ते पे कुश्ता है उधर बिस्मिल पे बिस्मिल है
अदम में ले चला है रहनुमा-ए-इश्क़ क्या मुझ को
यही कहता है आ पहुँचे हैं थोड़ी दूर मंज़िल है
उन्हें जब मेहरबाँ पा कर सवाल-ए-वस्ल कर बैठा
दबी आवाज़ से शरमा के वो बोले ये मुश्किल है
सितम भी हो तो मुझ पर हो जफ़ा भी हो तो मुझ पर हो
मुझे इस रश्क ने मारा वो क्यूँ आलम का क़ातिल है
मसीहा ने तिरे बीमार को देखा तो फ़रमाया
न ये जीने के क़ाबिल है न ये मरने के क़ाबिल है
ज़बरदस्ती तो देखो हाथ रख कर मेरे सीने पर
वो किस दा'वे से कहते हैं हमारा ही तो ये दिल है
हमारे दिल में आ कर सैर देखो ख़ूब-रूयों की
कि इन्द्र का अखाड़ा है परी-ज़ादों की महफ़िल है
मदारिज इश्क़ के तय हो सकें ये हो नहीं सकता
ज़मीं से अर्श तक ऐ बे-ख़बर मंज़िल-ब-मंज़िल है
झिड़कते हो मुझे क्यूँ दूर ही से पास आने दो
बढ़ा कर हाथ दिल देता हूँ तुम समझे हो साइल है
सुना भी तू ने ऐ दिल क्या सदा आती है महशर में
यही दिन इम्तिहाँ का है हमारे कौन शामिल है
उड़ाते हैं मज़े दुनिया के हम ऐ 'दाग़' घर बैठे
दकन में अब तो अफ़ज़लगंज अपनी ऐश मंज़िल है
qarīne se ajab ārāsta qātil kī mahfil hai
jahāñ sar chāhiye sar hai jahāñ dil chāhiye dil hai
har ik ke vāste kab ishq kī dushvār manzil hai
jise āsāñ hai āsāñ hai jise mushkil hai mushkil hai
zahe taqdīr kis ārām o rāhat se vo bismil hai
ki jis ke sar kā takiya der se zānū-e-qātil hai
tarīq-e-ishq kuchh āsān hai kuchh ham ko mushkil hai
idhar rahbar udhar rahzan yahī manzil-ba-manzil hai
mujhe tujh se rukāvaT aur tū ġhairoñ pe maa.il hai
mirā dil ab tirā dil hai tirā dil ab mirā dil hai
baḌhā dil is qadar fart-e-ḳhushī se vasl kī shab ko
mujhe ye vahm thā pahlū meñ ye takiya hai yā dil hai
tirī talvār ke qurbān ai saffāk kyā kahnā
idhar kushte pe kushta hai udhar bismil pe bismil hai
adam meñ le chalā hai rahnumā-e-ishq kyā mujh ko
yahī kahtā hai aa pahuñche haiñ thoḌī duur manzil hai
unheñ jab mehrbāñ pā kar savāl-e-vasl kar baiThā
dabī āvāz se sharmā ke vo bole ye mushkil hai
sitam bhī ho to mujh par ho jafā bhī ho to mujh par ho
mujhe is rashk ne maarā vo kyuuñ aalam kā qātil hai
masīhā ne tire bīmār ko dekhā to farmāyā
na ye jiine ke qābil hai na ye marne ke qābil hai
zabardastī to dekho haath rakh kar mere siine par
vo kis da.ave se kahte haiñ hamārā hī to ye dil hai
hamāre dil meñ aa kar sair dekho ḳhūb-rūyoñ kī
ki indr kā akhāḌā hai parī-zādoñ kī mahfil hai
madārij ishq ke tai ho sakeñ ye ho nahīñ saktā
zamīñ se arsh tak ai be-ḳhabar manzil-ba-manzil hai
jhiḌakte ho mujhe kyuuñ duur hī se paas aane do
baḌhā kar haath dil detā huuñ tum samjhe ho saa.il hai
sunā bhī tū ne ai dil kyā sadā aatī hai mahshar meñ
yahī din imtihāñ kā hai hamāre kaun shāmil hai
uḌāte haiñ maze duniyā ke ham ai 'dāġh' ghar baiThe
dakan meñ ab to afzalganj apnī aish manzil hai
قرینے سے عجب آراستہ قاتل کی محفل ہے
جہاں سر چاہیئے سر ہے جہاں دل چاہیئے دل ہے
ہر اک کے واسطے کب عشق کی دشوار منزل ہے
جسے آساں ہے آساں ہے جسے مشکل ہے مشکل ہے
زہے تقدیر کس آرام و راحت سے وہ بسمل ہے
کہ جس کے سر کا تکیہ دیر سے زانوئے قاتل ہے
طریق عشق کچھ آسان ہے کچھ ہم کو مشکل ہے
ادھر رہبر ادھر رہزن یہی منزل بمنزل ہے
مجھے تجھ سے رکاوٹ اور تو غیروں پہ مائل ہے
مرا دل اب ترا دل ہے ترا دل اب مرا دل ہے
بڑھا دل اس قدر فرط خوشی سے وصل کی شب کو
مجھے یہ وہم تھا پہلو میں یہ تکیہ ہے یا دل ہے
تری تلوار کے قربان اے سفاک کیا کہنا
ادھر کشتے پہ کشتہ ہے ادھر بسمل پہ بسمل ہے
عدم میں لے چلا ہے رہنمائے عشق کیا مجھ کو
یہی کہتا ہے آ پہنچے ہیں تھوڑی دور منزل ہے
انہیں جب مہرباں پا کر سوال وصل کر بیٹھا
دبی آواز سے شرما کے وہ بولے یہ مشکل ہے
ستم بھی ہو تو مجھ پر ہو جفا بھی ہو تو مجھ پر ہو
مجھے اس رشک نے مارا وہ کیوں عالم کا قاتل ہے
مسیحا نے ترے بیمار کو دیکھا تو فرمایا
نہ یہ جینے کے قابل ہے نہ یہ مرنے کے قابل ہے
زبردستی تو دیکھو ہاتھ رکھ کر میرے سینے پر
وہ کس دعوے سے کہتے ہیں ہمارا ہی تو یہ دل ہے
ہمارے دل میں آ کر سیر دیکھو خوب رویوں کی
کہ اندر کا اکھاڑا ہے پری زادوں کی محفل ہے
مدارج عشق کے طے ہو سکیں یہ ہو نہیں سکتا
زمیں سے عرش تک اے بے خبر منزل بمنزل ہے
جھڑکتے ہو مجھے کیوں دور ہی سے پاس آنے دو
بڑھا کر ہاتھ دل دیتا ہوں تم سمجھے ہو سائل ہے
سنا بھی تو نے اے دل کیا صدا آتی ہے محشر میں
یہی دن امتحاں کا ہے ہمارے کون شامل ہے
اڑاتے ہیں مزے دنیا کے ہم اے داغؔ گھر بیٹھے
دکن میں اب تو افضل گنج اپنی عیش منزل ہے