क़ाफ़िए की बंद गलियों का गदागर कर दिया
उस ने कैसे काम पर मुझ को मुक़र्रर कर दिया
हम कई थे और हमारे रास्ते भी थे कई
वो अकेला था सो उस ने मा'रका सर कर दिया
जिस ने चोरी की थी सौ पच्चास पर छोड़ा उसे
जो सड़क पर जा रहा था उस को अन्दर कर दिया
छत ज़मीं पर आ रही नाज़ुक थे शहतीर इस क़दर
गिर पड़ी दीवार भी ऐसा पलसतर कर दिया
रौशनी अब राह से भटका भी देती है मियाँ
उस की आँखों की चमक ने मुझ को बे-घर कर दिया
झूठ-मूठ आख़िर गले मिल कर ब-ज़ो'म-ए-ख़ुद 'ज़फ़र'
अगला पिछ्ला सब हिसाब उस ने बराबर कर दिया
qāfiye kī band galiyoñ kā gadāgar kar diyā
us ne kaise kaam par mujh ko muqarrar kar diyā
ham ka.ī the aur hamāre rāste bhī the ka.ī
vo akelā thā so us ne mā'raka sar kar diyā
jis ne chorī kī thī sau pachchās par chhoḌā use
jo saḌak par jā rahā thā us ko andar kar diyā
chhat zamīñ par aa rahī nāzuk the shahtīr is qadar
gir paḌī dīvār bhī aisā palastar kar diyā
raushnī ab raah se bhaTkā bhī detī hai miyāñ
us kī āñkhoñ kī chamak ne mujh ko be-ghar kar diyā
jhūTh-mūTh āḳhir gale mil kar ba-zo'm-e-ḳhud 'zafar'
aglā pichhlā sab hisāb us ne barābar kar diyā
قافیے کی بند گلیوں کا گداگر کر دیا
اس نے کیسے کام پر مجھ کو مقرر کر دیا
ہم کئی تھے اور ہمارے راستے بھی تھے کئی
وہ اکیلا تھا سو اس نے معرکہ سر کر دیا
جس نے چوری کی تھی سو پچاس پر چھوڑا اسے
جو سڑک پر جا رہا تھا اس کو اندر کر دیا
چھت زمیں پر آ رہی نازک تھے شہتیر اس قدر
گر پڑی دیوار بھی ایسا پلستر کر دیا
روشنی اب راہ سے بھٹکا بھی دیتی ہے میاں
اس کی آنکھوں کی چمک نے مجھ کو بے گھر کر دیا
جھوٹ موٹھ آخر گلے مل کر بہ زعم خود ظفرؔ
اگلا پچھلا سب حساب اس نے برابر کر دیا