पूरी मिरे जुनूँ की ज़रूरत न कर सके
सहरा-ए-जाँ भी हो तो किफ़ालत न कर सके
सई-ओ-अमल की रूह मोहब्बत के साथ थी
वो कुछ न कर सके जो मोहब्बत न कर सके
दुनिया में जितने ग़म मिले दिल में बसा लिए
हम सिर्फ़ तेरे ग़म पे क़नाअ'त न कर सके
अपना ही हाल-ए-ज़ार सुनाते रहे तुझे
लेकिन तिरे सितम की शिकायत न कर सके
ताराज कर के इश्क़ की बस्ती चले गए
तुम फ़त्ह कर के दिल पे हुकूमत न कर सके
दुनिया में अब भी लोग वफ़ा के हैं मुद्दई'
हासिल हमारे हाल से इबरत न कर सके
है काफ़िर-ए-अदब मिरे मशरब में ऐ 'सबा'
शाइ'र जो एहतिराम रिवायत न कर सके
puurī mire junūñ kī zarūrat na kar sake
sahrā-e-jāñ bhī ho to kifālat na kar sake
sa.ī-o-amal kī ruuh mohabbat ke saath thī
vo kuchh na kar sake jo mohabbat na kar sake
duniyā meñ jitne ġham mile dil meñ basā liye
ham sirf tere ġham pe qanā.at na kar sake
apnā hī hāl-e-zār sunāte rahe tujhe
lekin tire sitam kī shikāyat na kar sake
tārāj kar ke ishq kī bastī chale ga.e
tum fat.h kar ke dil pe hukūmat na kar sake
duniyā meñ ab bhī log vafā ke haiñ mudda.ī
hāsil hamāre haal se ibrat na kar sake
hai kāfir-e-adab mire mashrab meñ ai 'sabā'
shā.ir jo ehtirām rivāyat na kar sake
پوری مرے جنوں کی ضرورت نہ کر سکے
صحرائے جاں بھی ہو تو کفالت نہ کر سکے
سعی و عمل کی روح محبت کے ساتھ تھی
وہ کچھ نہ کر سکے جو محبت نہ کر سکے
دنیا میں جتنے غم ملے دل میں بسا لیے
ہم صرف تیرے غم پہ قناعت نہ کر سکے
اپنا ہی حال زار سناتے رہے تجھے
لیکن ترے ستم کی شکایت نہ کر سکے
تاراج کر کے عشق کی بستی چلے گئے
تم فتح کر کے دل پہ حکومت نہ کر سکے
دنیا میں اب بھی لوگ وفا کے ہیں مدعی
حاصل ہمارے حال سے عبرت نہ کر سکے
ہے کافر ادب مرے مشرب میں اے صباؔ
شاعر جو احترام روایت نہ کر سکے