पुकारती है ख़मोशी मिरी फ़ुग़ाँ की तरह
निगाहें कहती हैं सब राज़-ए-दिल ज़बाँ की तरह
बिगड़ गई है यहाँ बे-तरह जहाँ की तरह
कहाँ की वज़' कहाँ की अदा कहाँ की तरह
छुड़ा दे क़ैद से ऐ बर्क़ हम असीरों को
लगा दे आग क़फ़स को भी आशियाँ की तरह
कभी तो सुल्ह भी हो जाए ज़ोहद ओ मस्ती में
इलाही शैख़ भी मय-ख़्वार हो मुग़ाँ की तरह
जला के दाग़-ए-मोहब्बत ने दिल को ख़ाक किया
बहार आई मिरे बाग़ में ख़िज़ाँ की तरह
हया ने रोक लिया जज़्ब-ए-दिल ने खींच लिया
चले वो तीर की सूरत खिंची कमाँ की तरह
तलाश-ए-यार में छोड़ी न सरज़मीं कोई
हमारे पाँव में चक्कर है आसमाँ की तरह
जो समझे ख़िज़्र तो क़ौल-ए-शहीद-ए-उल्फ़त को
गिरह में बाँध रक्खे 'उम्र-ए-जावेदाँ की तरह
सुने जो हज़रत-ए-ज़ाहिद से वस्फ़ जन्नत के
तो साफ़ फिर गई आँखों में उस मकाँ की तरह
झुकी ही जाती है कुछ ख़ुद-ब-ख़ुद हया से वो आँख
गिरी ही पड़ती है बीमार-ए-ना-तवाँ की तरह
ये सद्द-ए-राह हुआ किस का पास-ए-रुस्वाई
रुके हुए हैं मिरे अश्क कारवाँ की तरह
अदा-ए-मतलब-ए-दिल हम से सीख जाए कोई
उन्हें सुना ही दिया हाल दास्ताँ की तरह
मज़े हैं उस दहन-ए-ज़ख़्म के लिए क्या क्या
जो चूसे तीर के पैकान को ज़बाँ की तरह
समझ के कीजिए बर्बाद मेरा मुश्त-ए-ग़ुबार
ये ले न आए कोई चक्कर आसमाँ की तरह
ये दिल है आप का घर रहिए शौक़ से लेकिन
शकेब-ओ-राहत-ओ-सब्र-ओ-क़रार-ए-जाँ की तरह
क़यामत आई शब-ए-वस्ल मेरे घर के पास
रक़ीब ने उसे आवाज़ दी अज़ाँ की तरह
शब उस की बज़्म में था शम' पर भी रश्क हमें
कि मुँह में शो'ले को गुल-गीर ले ज़बाँ की तरह
मुझे ये हुक्म है ज़िन्हार तुम न करना 'इश्क़
नसीहतें भी वो करते हैं इम्तिहाँ की तरह
हम अपने ज़ो'फ़ के सदक़े बिठा दिया ऐसा
हिले न दर से तिरे संग-ए-आस्ताँ की तरह
कुछ उन से कहने को बैठे थे हम कि ख़ल्वत में
रक़ीब आ ही गया मर्ग-ए-ना-गहाँ की तरह
शिकस्ता बाल हूँ वो मुर्ग़-ए-नातवाँ-ओ-ज़ईफ़
कि मैं तो मैं न उड़े मेरे आशियाँ की तरह
न होंगे सोज़-ए-मोहब्बत के दिल-जले ठंडे
भरी है आतिश-ए-ग़म मग़्ज़-ए-उस्तुख़्वाँ की तरह
न छोड़ सैद-ए-मोहब्बत को ख़ाक पर सय्याद
उसे भी डाल ले तू दोश पर कमाँ की तरह
ज़बान-ए-ख़ार हुई तर हमारी वहशत से
कि छाले फूटे भी चश्म-ए-ख़ूँ-फ़िशाँ की तरह
ख़ुदा क़ुबूल करे 'दाग़' तुम जो सू-ए-अदम
चले हो 'इश्क़-ए-बुताँ ले के अरमुग़ाँ की तरह
pukārtī hai ḳhamoshī mirī fuġhāñ kī tarah
nigāheñ kahtī haiñ sab rāz-e-dil zabāñ kī tarah
bigaḌ ga.ī hai yahāñ be-tarah jahāñ kī tarah
kahāñ kī vaz' kahāñ kī adā kahāñ kī tarah
chhuḌā de qaid se ai barq ham asīroñ ko
lagā de aag qafas ko bhī āshiyāñ kī tarah
kabhī to sulh bhī ho jaa.e zohd o mastī meñ
ilāhī shaiḳh bhī mai-ḳhvār ho muġhāñ kī tarah
jalā ke dāġh-e-mohabbat ne dil ko ḳhaak kiyā
bahār aa.ī mire baaġh meñ ḳhizāñ kī tarah
hayā ne rok liyā jazb-e-dil ne khīñch liyā
chale vo tiir kī sūrat khiñchī kamāñ kī tarah
talāsh-e-yār meñ chhoḌī na sarzamīñ koī
hamāre paañv meñ chakkar hai āsmāñ kī tarah
jo samjhe ḳhizr to qaul-e-shahīd-e-ulfat ko
girah meñ bāñdh rakkhe 'umr-e-jāvedāñ kī tarah
sune jo hazrat-e-zāhid se vasf jannat ke
to saaf phir ga.ī āñkhoñ meñ us makāñ kī tarah
jhukī hī jaatī hai kuchh ḳhud-ba-ḳhud hayā se vo aañkh
girī hī paḌtī hai bīmār-e-nā-tavāñ kī tarah
ye sadd-e-rāh huā kis kā pās-e-rusvā.ī
ruke hue haiñ mire ashk kārvāñ kī tarah
adā-e-matlab-e-dil ham se siikh jaa.e koī
unheñ sunā hī diyā haal dāstāñ kī tarah
maze haiñ us dahan-e-zaḳhm ke liye kyā kyā
jo chūse tiir ke paikān ko zabāñ kī tarah
samajh ke kījiye barbād merā musht-e-ġhubār
ye le na aa.e koī chakkar āsmāñ kī tarah
ye dil hai aap kā ghar rahiye shauq se lekin
shakeb-o-rāhat-o-sabr-o-qarār-e-jāñ kī tarah
qayāmat aa.ī shab-e-vasl mere ghar ke paas
raqīb ne use āvāz dī azaañ kī tarah
shab us kī bazm meñ thā sham' par bhī rashk hameñ
ki muñh meñ sho'le ko gul-gīr le zabāñ kī tarah
mujhe ye hukm hai zinhār tum na karnā 'ishq
nasīhateñ bhī vo karte haiñ imtihāñ kī tarah
ham apne zo'f ke sadqe biThā diyā aisā
hile na dar se tire sang-e-āstāñ kī tarah
kuchh un se kahne ko baiThe the ham ki ḳhalvat meñ
raqīb aa hī gayā marg-e-nā-gahāñ kī tarah
shikasta baal huuñ vo murġh-e-nātavāñ-o-za.īf
ki maiñ to maiñ na uḌe mere āshiyāñ kī tarah
na hoñge soz-e-mohabbat ke dil-jale ThanDe
bharī hai ātish-e-ġham maġhz-e-ustuḳhvāñ kī tarah
na chhoḌ said-e-mohabbat ko ḳhaak par sayyād
use bhī Daal le tū dosh par kamāñ kī tarah
zabān-e-ḳhār huī tar hamārī vahshat se
ki chhāle phūTe bhī chashm-e-ḳhūñ-fishāñ kī tarah
ḳhudā qubūl kare 'dāġh' tum jo sū-e-adam
chale ho 'ishq-e-butāñ le ke armuġhāñ kī tarah
پکارتی ہے خموشی مری فغاں کی طرح
نگاہیں کہتی ہیں سب راز دل زباں کی طرح
بگڑ گئی ہے یہاں بے طرح جہاں کی طرح
کہاں کی وضع کہاں کی ادا کہاں کی طرح
چھڑا دے قید سے اے برق ہم اسیروں کو
لگا دے آگ قفس کو بھی آشیاں کی طرح
کبھی تو صلح بھی ہو جائے زہد و مستی میں
الٰہی شیخ بھی مے خوار ہو مغاں کی طرح
جلا کے داغ محبت نے دل کو خاک کیا
بہار آئی مرے باغ میں خزاں کی طرح
حیا نے روک لیا جذب دل نے کھینچ لیا
چلے وہ تیر کی صورت کھنچی کماں کی طرح
تلاش یار میں چھوڑی نہ سرزمیں کوئی
ہمارے پاؤں میں چکر ہے آسماں کی طرح
جو سمجھے خضر تو قول شہید الفت کو
گرہ میں باندھ رکھے عمر جاوداں کی طرح
سنے جو حضرت زاہد سے وصف جنت کے
تو صاف پھر گئی آنکھوں میں اس مکاں کی طرح
جھکی ہی جاتی ہے کچھ خودبخود حیا سے وہ آنکھ
گری ہی پڑتی ہے بیمار ناتواں کی طرح
یہ سد راہ ہوا کس کا پاس رسوائی
رکے ہوئے ہیں مرے اشک کارواں کی طرح
ادائے مطلب دل ہم سے سیکھ جائے کوئی
انہیں سنا ہی دیا حال داستاں کی طرح
مزے ہیں اس دہن زخم کے لیے کیا کیا
جو چوسے تیر کے پیکان کو زباں کی طرح
سمجھ کے کیجیے برباد میرا مشت غبار
یہ لے نہ آئے کوئی چکر آسماں کی طرح
یہ دل ہے آپ کا گھر رہئے شوق سے لیکن
شکیب و راحت و صبر و قرار جاں کی طرح
قیامت آئی شب وصل میرے گھر کے پاس
رقیب نے اسے آواز دی اذاں کی طرح
شب اس کی بزم میں تھا شمع پر بھی رشک ہمیں
کہ منہ میں شعلے کو گلگیر لے زباں کی طرح
مجھے یہ حکم ہے زنہار تم نہ کرنا عشق
نصیحتیں بھی وہ کرتے ہیں امتحاں کی طرح
ہم اپنے ضعف کے صدقے بٹھا دیا ایسا
ہلے نہ در سے ترے سنگ آستاں کی طرح
کچھ ان سے کہنے کو بیٹھے تھے ہم کہ خلوت میں
رقیب آ ہی گیا مرگ ناگہاں کی طرح
شکستہ بال ہوں وہ مرغ ناتواں و ضعیف
کہ میں تو میں نہ اڑے میرے آشیاں کی طرح
نہ ہوں گے سوز محبت کے دل جلے ٹھنڈے
بھری ہے آتش غم مغز استخواں کی طرح
نہ چھوڑ صید محبت کو خاک پر صیاد
اسے بھی ڈال لے تو دوش پر کماں کی طرح
زبان خار ہوئی تر ہماری وحشت سے
کہ چھالے پھوٹے بھی چشم خوں فشاں کی طرح
خدا قبول کرے داغؔ تم جو سوئے عدم
چلے ہو عشق بتاں لے کے ارمغاں کی طرح