पिसे दिल उस की चितवन पर हज़ारों
मु-ए-बे-साख़्ता-पन पर हज़ारों
मिरी ज़िद से हुआ है मेहरबाँ दोस्त
मिरे एहसाँ हैं दुश्मन पर हज़ारों
बराए-शुक्र-ए-क़ातिल रोंगटों से
ज़बानें हैं मिरे तन पर हज़ारों
न अटखेली से चल होते हैं सदमे
दिल-ए-शैख़-ओ-बरहमन पर हज़ारों
हुआ सर ख़म न ज़ेर-ए-तेग़ जल्लाद
रहे बोझ अपनी गर्दन पर हज़ारों
तिरे कुश्ता हैं हम आँखें मलेंगे
हमारे संग-ए-मदफ़न पर हज़ारों
न मल ऐ लु'अबत-ए-चीं इत्र-ए-गुलज़ार
गला काटेंगे गुलशन पर हज़ारों
नहीं इक मर्द को दुनिया से मतलब
मरें नामर्द इस ज़न पर हज़ारों
अजब क्या है अगर परवाने बे-शमा
जलें 'आतिश' के मदफ़न पर हज़ारों
pise dil us kī chitvan par hazāroñ
mu-e-be-sāḳhta-pan par hazāroñ
mirī zid se huā hai mehrbāñ dost
mire ehsāñ haiñ dushman par hazāroñ
barā.e-shukr-e-qātil roñgToñ se
zabāneñ haiñ mire tan par hazāroñ
na aTkhelī se chal hote haiñ sadme
dil-e-shaiḳh-o-barahman par hazāroñ
huā sar ḳham na zer-e-teġh jallād
rahe bojh apnī gardan par hazāroñ
tire kushta haiñ ham āñkheñ maleñge
hamāre sañg-e-madfan par hazāroñ
na mal ai luabat-e-chīñ itr-e-gulzār
galā kāTeñge gulshan par hazāroñ
nahīñ ik mard ko duniyā se matlab
mareñ nāmard is zan par hazāroñ
ajab kyā hai agar parvāne be-shamā
jaleñ 'ātish' ke madfan par hazāroñ
پسے دل اس کی چتون پر ہزاروں
موے بے ساختہ پن پر ہزاروں
مری ضد سے ہوا ہے مہرباں دوست
مرے احساں ہیں دشمن پر ہزاروں
براے شکر قاتل رونگٹوں سے
زبانیں ہیں مرے تن پر ہزاروں
نہ اٹکھیلی سے چل ہوتے ہیں صدمے
دل شیخ و برہمن پر ہزاروں
ہوا سر خم نہ زیر تیغ جلاد
رہے بوجھ اپنی گردن پر ہزاروں
ترے کشتہ ہیں ہم آنکھیں ملیں گے
ہمارے سنگ مدفن پر ہزاروں
نہ مل اے لعبت چین عطر گل زار
گلا کاٹیں گے گلشن پر ہزاروں
نہیں اک مرد کو دنیا سے مطلب
مریں نامرد اس زن پر ہزاروں
عجب کیا ہے اگر پروانے بے شمع
جلیں آتشؔ کے مدفن پر ہزاروں