पीरी से मिरा नौ'-ए-दिगर हाल हुआ है
वो क़द जो अलिफ़ सा था सो अब दाल हुआ है
मक़्बूल मिरे क़ौल से क़व्वाल हुआ है
सूफ़ी को ग़ज़ल सुन के मिरी हाल हुआ है
उन हाथों की दौलत से कड़ा माल हुआ है
उन पाँव से आवाज़ा-ए-ख़लख़ाल हुआ है
अलमिन्नत ओ लिल्लाह ब-सद-मिन्नत उधर से
इंकार था जिस शय का अब इक़बाल हुआ है
जब क़त्ल किया है किसी 'आशिक़ को तो वाँ से
जल्लाद की तलवार को रूमाल हुआ है
किस 'उक़्दे को इस ज़ुल्फ़ की खोला नहीं हम ने
सुलझाया है उलझा हुआ जो बाल हुआ है
किस सर को नहीं यार की रफ़्तार का सौदा
मे'राज वो समझा है जो पामाल हुआ है
बीमार रहा बरसों मैं 'ईसा-नफ़सों में
पूछा न किसी ने कभी क्या हाल हुआ है
ऐ अब्र-ए-करम तू ही सफ़ेद उस को करेगा
बरसों में सियह नामा-ए-आ'माल हुआ है
जो नाज़ करे यार सज़ा-वार है 'आतिश'
ख़ुश-रू ओ ख़ुश-उस्लूब ओ ख़ुश-इक़बाल हुआ है
piirī se mirā nau'-e-digar haal huā hai
vo qad jo alif sā thā so ab daal huā hai
maqbūl mire qaul se qavvāl huā hai
suufī ko ġhazal sun ke mirī haal huā hai
un hāthoñ kī daulat se kaḌā maal huā hai
un paañv se āvāz-e-ḳhalḳhāl huā hai
alminnat o lillāh ba-sad-minnat udhar se
inkār thā jis shai kā ab iqbāl huā hai
jab qatl kiyā hai kisī 'āshiq ko to vaañ se
jallād kī talvār ko rūmāl huā hai
kis 'uqde ko is zulf kī kholā nahīñ ham ne
suljhāyā hai uljhā huā jo baal huā hai
kis sar ko nahīñ yaar kī raftār kā saudā
me'rāj vo samjhā hai jo pāmāl huā hai
bīmār rahā barsoñ maiñ 'īsā-nafasoñ meñ
pūchhā na kisī ne kabhī kyā haal huā hai
ai abr-e-karam tū hī safed us ko karegā
barsoñ meñ siyah nāma-e-ā'māl huā hai
jo naaz kare yaar sazā-vār hai 'ātish'
ḳhush-rū o ḳhush-uslūb o ḳhush-iqbāl huā hai
پیری سے مرا نوع دگر حال ہوا ہے
وہ قد جو الف سا تھا سو اب دال ہوا ہے
مقبول مرے قول سے قوال ہوا ہے
صوفی کو غزل سن کے مری حال ہوا ہے
ان ہاتھوں کی دولت سے کڑا مال ہوا ہے
ان پاؤں سے آوازۂ خلخال ہوا ہے
المنۃ و للہ بہ صد منت ادھر سے
انکار تھا جس شے کا اب اقبال ہوا ہے
جب قتل کیا ہے کسی عاشق کو تو واں سے
جلاد کی تلوار کو رومال ہوا ہے
کس عقدے کو اس زلف کی کھولا نہیں ہم نے
سلجھایا ہے الجھا ہوا جو بال ہوا ہے
کس سر کو نہیں یار کی رفتار کا سودا
معراج وہ سمجھا ہے جو پامال ہوا ہے
بیمار رہا برسوں میں عیسیٰ نفسوں میں
پوچھا نہ کسی نے کبھی کیا حال ہوا ہے
اے ابر کرم تو ہی سفید اس کو کرے گا
برسوں میں سیہ نامۂ اعمال ہوا ہے
جو ناز کرے یار سزاوار ہے آتشؔ
خوش رو و خوش اسلوب و خوش اقبال ہوا ہے