पी भी ऐ माया-ए-शबाब शराब
गर्म-जोशी से है कबाब शराब
मरयमी उड़ गई मसीहा की
लब-ए-नाज़ुक पे है शराब शराब
उस से हम जा भिड़े 'अदू के घर
है पड़ी ख़ानुमाँ-ख़राब शराब
क्यूँ कि मुतलक़ हराम ही कहिए
पीजिएगा मिला के आब शराब
बहर-ए-हर-ज़र्फ़-ए-इम्तिहाँ साग़र
हर तमन्ना का इंतिख़ाब शराब
बा'द-अज़ीं मोहतसिब क़सम ले ले
तौबा करता हूँ ला शिताब शराब
ज़ाए' औक़ात को नहीं करते
पीते हैं वक़्त-ए-माहताब शराब
सख़्त मातम है ऐ शबाब तिरा
कि रुलाती है ख़ून-ए-नाब शराब
मोहतसिब उस का ख़ून है किस पर
जो है पीता बजाए आब शराब
मुसहफ़-ओ-ख़िर्क़ा बेचते हैं हम
हो गई जान को 'अज़ाब शराब
उस की बख़्शिश है बे-हिसाब अगर
हम भी पीते हैं बे-हिसाब शराब
हर घड़ी ज़िक्र-ए-मय है ऐ वा'इज़
हो गई तेरी तो किताब शराब
ऐ 'क़लक़' मय-कदे में सज्दे क्यूँ
कौन देगा पए-सवाब शराब
pī bhī ai māya-e-shabāb sharāb
garm-joshī se hai kabāb sharāb
maryamī uḌ ga.ī masīhā kī
lab-e-nāzuk pe hai sharāb sharāb
us se ham jā bhiḌe 'adū ke ghar
hai paḌī ḳhānumāñ-ḳharāb sharāb
kyuuñ ki mutlaq harām hī kahiye
pīji.egā milā ke aab sharāb
bahr-e-har-zarf-e-imtihāñ sāġhar
har tamannā kā intiḳhāb sharāb
bā'd-azīñ mohtasib qasam le le
tauba kartā huuñ lā shitāb sharāb
zaa.e' auqāt ko nahīñ karte
piite haiñ vaqt-e-māhtāb sharāb
saḳht mātam hai ai shabāb tirā
ki rulātī hai ḳhūn-e-nāb sharāb
mohtasib us kā ḳhuun hai kis par
jo hai piitā bajā.e aab sharāb
mus.haf-o-ḳhirqa bechte haiñ ham
ho ga.ī jaan ko 'azāb sharāb
us kī baḳhshish hai be-hisāb agar
ham bhī piite haiñ be-hisāb sharāb
har ghaḌī zikr-e-mai hai ai vā'iz
ho ga.ī terī to kitāb sharāb
ai 'qalaq' mai-kade meñ sajde kyuuñ
kaun degā pa.e-savāb sharāb
پی بھی اے مایۂ شباب شراب
گرم جوشی سے ہے کباب شراب
مریمی اڑ گئی مسیحا کی
لب نازک پہ ہے شراب شراب
اس سے ہم جا بھڑے عدو کے گھر
ہے پڑی خانماں خراب شراب
کیوں کہ مطلق حرام ہی کہیے
پیجئے گا ملا کے آب شراب
بہر ہر ظرف امتحاں ساغر
ہر تمنا کا انتخاب شراب
بعد ازیں محتسب قسم لے لے
توبہ کرتا ہوں لا شتاب شراب
ضائع اوقات کو نہیں کرتے
پیتے ہیں وقت ماہتاب شراب
سخت ماتم ہے اے شباب ترا
کہ رلاتی ہے خون ناب شراب
محتسب اس کا خون ہے کس پر
جو ہے پیتا بجائے آب شراب
مصحف و خرقہ بیچتے ہیں ہم
ہو گئی جان کو عذاب شراب
اس کی بخشش ہے بے حساب اگر
ہم بھی پیتے ہیں بے حساب شراب
ہر گھڑی ذکر مے ہے اے واعظ
ہو گئی تیری تو کتاب شراب
اے قلقؔ مے کدے میں سجدے کیوں
کون دے گا پئے ثواب شراب