फिरा पयाम्बर अपना ख़राब रस्ते में
दिया नसीब ने अच्छा जवाब रस्ते में
ये सच है राह-ए-मोहब्बत बड़ी है टेढ़ी खीर
न आए ख़िज़्र कभी इस ख़राब रस्ते में
भटकते फिरते हैं इस रहगुज़ार में आशिक़
मुसाफ़िरों की है मिट्टी ख़राब रस्ते में
गली से यार की हम उठ के चल चुके थे मगर
मचल गया दिल-ए-पुर-इज़्तिराब रस्ते में
वो रस्ता काट के चलते हैं इस लिए मुझ से
कि कुछ कहे न ये ख़ाना-ख़राब रस्ते में
बग़ल में दाब के ले चल अदम को शीशा-ए-मय
मिलेगी 'दाग़' न तुझ को शराब रस्ते में
phirā payāmbar apnā ḳharāb raste meñ
diyā nasīb ne achchhā javāb raste meñ
ye sach hai rāh-e-mohabbat baḌī hai TeḌhī khiir
na aa.e ḳhizr kabhī is ḳharāb raste meñ
bhaTakte phirte haiñ is rahguzār meñ āshiq
musāfiroñ kī hai miTTī ḳharāb raste meñ
galī se yaar kī ham uTh ke chal chuke the magar
machal gayā dil-e-pur-iztirāb raste meñ
vo rasta kaaT ke chalte haiñ is liye mujh se
ki kuchh kahe na ye ḳhāna-ḳharāb raste meñ
baġhal meñ daab ke le chal adam ko shīsha-e-mai
milegī 'dāġh' na tujh ko sharāb raste meñ
پھرا پیامبر اپنا خراب رستے میں
دیا نصیب نے اچھا جواب رستے میں
یہ سچ ہے راہ محبت بڑی ہے ٹیڑھی کھیر
نہ آئے خضر کبھی اس خراب رستے میں
بھٹکتے پھرتے ہیں اس رہ گزار میں عاشق
مسافروں کی ہے مٹی خراب رستے میں
گلی سے یار کی ہم اٹھ کے چل چکے تھے مگر
مچل گیا دل پر اضطراب رستے میں
وہ رستہ کاٹ کے چلتے ہیں اس لئے مجھ سے
کہ کچھ کہے نہ یہ خانہ خراب رستے میں
بغل میں داب کے لے چل عدم کو شیشۂ مے
ملے گی داغؔ نہ تجھ کو شراب رستے میں