फिर शब-ए-ग़म ने मुझे शक्ल दिखाई क्यूँकर
ये बला घर से निकाली हुई आई क्यूँकर
कट सके सख़्ती-ए-अय्याम-ए-जुदाई क्यूँकर
ग़ैर को आए इलाही मिरी आई क्यूँकर
तू ने की ग़ैर से कल मेरी बुराई क्यूँकर
गर न थी दिल में तो लब पर तिरे आई क्यूँकर
न कहूँगा न कहूँगा न कहूँगा हरगिज़
जा के उस बज़्म में शामत मिरी आई क्यूँकर
खुल गई बात जब उन की तो वो पूछते हैं
मुँह से निकली हुई होती है पराई क्यूँकर
दाद-ख़्वाहों से वो कहते हैं कि हम भी तो सुनें
दोगे तुम हश्र में सब मिल के दुहाई क्यूँकर
तुम दिल-आज़ार ओ सितमगर नहीं मैं ने माना
मान जाएगी इसे सारी ख़ुदाई क्यूँकर
ना-गहाँ शिकवा-ए-बेदाद तो कर बैठे हम
अब ये है फ़िक्र करें उन से सफ़ाई क्यूँकर
आप में भी तो रही आतिश-ए-तर की तेज़ी
आग पानी में ये साक़ी ने लगाई क्यूँकर
अल्लाह अल्लाह बुतों को है ये दस्त-ए-क़ुदरत
उन की मुट्ठी में रही सारी ख़ुदाई क्यूँकर
वो यहाँ आएँ वहाँ ग़ैर का घर हो बर्बाद
इस तरह से हो सफ़ाई में सफ़ाई क्यूँकर
मजलिस-ए-वाज़ को देखा तो कहा रिंदों ने
होगी इस भीड़ की जन्नत में समाई क्यूँकर
आईना देख कर वो कहने लगे आप ही आप
ऐसे अच्छों की करे कोई बुराई क्यूँकर
कसरत-ए-रंज-ओ-अलम सुन के ये इल्ज़ाम मिला
इतने से दिल में है इतनों की समाई क्यूँकर
उस ने सदक़े में किए आज हज़ारों आज़ाद
देखिए होती है 'आशिक़ की रिहाई क्यूँकर
'दाग़' को मेहर कहा अश्क को दरिया हम ने
और फिर करते हैं छोटों की बड़ाई क्यूँकर
'दाग़' कल तो दु'आ आप की मक़्बूल न थी
आज मुँह-माँगी मुराद आप ने पाई क्यूँकर
phir shab-e-ġham ne mujhe shakl dikhā.ī kyūñkar
ye balā ghar se nikālī huī aa.ī kyūñkar
kaT sake saḳhti-e-ayyām-e-judā.ī kyūñkar
ġhair ko aa.e ilāhī mirī aa.ī kyūñkar
tū ne kī ġhair se kal merī burā.ī kyūñkar
gar na thī dil meñ to lab par tire aa.ī kyūñkar
na kahūñgā na kahūñgā na kahūñgā hargiz
jā ke us bazm meñ shāmat mirī aa.ī kyūñkar
khul ga.ī baat jab un kī to vo pūchhte haiñ
muñh se niklī huī hotī hai parā.ī kyūñkar
dād-ḳhvāhoñ se vo kahte haiñ ki ham bhī to suneñ
doge tum hashr meñ sab mil ke duhā.ī kyūñkar
tum dil-āzār o sitamgar nahīñ maiñ ne maanā
maan jā.egī ise saarī ḳhudā.ī kyūñkar
nā-gahāñ shikva-e-bedād to kar baiThe ham
ab ye hai fikr kareñ un se safā.ī kyūñkar
aap meñ bhī to rahī ātish-e-tar kī tezī
aag paanī meñ ye saaqī ne lagā.ī kyūñkar
allāh allāh butoñ ko hai ye dast-e-qudrat
un kī muTThī meñ rahī saarī ḳhudā.ī kyūñkar
vo yahāñ aa.eñ vahāñ ġhair kā ghar ho barbād
is tarah se ho safā.ī meñ safā.ī kyūñkar
majlis-e-vāz ko dekhā to kahā rindoñ ne
hogī is bhiiḌ kī jannat meñ samā.ī kyūñkar
aa.ina dekh kar vo kahne lage aap hī aap
aise achchhoñ kī kare koī burā.ī kyūñkar
kasrat-e-ranj-o-alam sun ke ye ilzām milā
itne se dil meñ hai itnoñ kī samā.ī kyūñkar
us ne sadqe meñ kiye aaj hazāroñ āzād
dekhiye hotī hai 'āshiq kī rihā.ī kyūñkar
'dāġh' ko mehr kahā ashk ko dariyā ham ne
aur phir karte haiñ chhoToñ kī baḌā.ī kyūñkar
'dāġh' kal to du'ā aap kī maqbūl na thī
aaj muñh-māñgī murād aap ne paa.ī kyūñkar
پھر شب غم نے مجھے شکل دکھائی کیونکر
یہ بلا گھر سے نکالی ہوئی آئی کیونکر
کٹ سکے سختی ایام جدائی کیونکر
غیر کو آئے الٰہی مری آئی کیونکر
تو نے کی غیر سے کل میری برائی کیونکر
گر نہ تھی دل میں تو لب پر ترے آئی کیونکر
نہ کہوں گا نہ کہوں گا نہ کہوں گا ہرگز
جا کے اس بزم میں شامت مری آئی کیونکر
کھل گئی بات جب ان کی تو وہ پوچھتے ہیں
منہ سے نکلی ہوئی ہوتی ہے پرائی کیونکر
دادخواہوں سے وہ کہتے ہیں کہ ہم بھی تو سنیں
دوگے تم حشر میں سب مل کے دہائی کیونکر
تم دل آزار و ستم گر نہیں میں نے مانا
مان جائے گی اسے ساری خدائی کیونکر
ناگہاں شکوۂ بیداد تو کر بیٹھے ہم
اب یہ ہے فکر کریں ان سے صفائی کیونکر
آپ میں بھی تو رہی آتش تر کی تیزی
آگ پانی میں یہ ساقی نے لگائی کیونکر
اللہ اللہ بتوں کو ہے یہ دست قدرت
ان کی مٹھی میں رہی ساری خدائی کیونکر
وہ یہاں آئیں وہاں غیر کا گھر ہو برباد
اس طرح سے ہو صفائی میں صفائی کیونکر
مجلس وعظ کو دیکھا تو کہا رندوں نے
ہوگی اس بھیڑ کی جنت میں سمائی کیونکر
آئینہ دیکھ کر وہ کہنے لگے آپ ہی آپ
ایسے اچھوں کی کرے کوئی برائی کیونکر
کثرت رنج و الم سن کے یہ الزام ملا
اتنے سے دل میں ہے اتنوں کی سمائی کیونکر
اس نے صدقے میں کئے آج ہزاروں آزاد
دیکھیے ہوتی ہے عاشق کی رہائی کیونکر
داغؔ کو مہر کہا اشک کو دریا ہم نے
اور پھر کرتے ہیں چھوٹوں کی بڑائی کیونکر
داغؔ کل تو دعا آپ کی مقبول نہ تھی
آج منہ مانگی مراد آپ نے پائی کیونکر