फिर मिरे सर पे कड़ी धूप की बौछार गिरी
मैं जहाँ जा के छुपा था वहीं दीवार गिरी
लोग क़िस्तों में मुझे क़त्ल करेंगे शायद
सब से पहले मिरी आवाज़ पे तलवार गिरी
और कुछ देर मिरी आस न टूटी होती
आख़िरी मौज थी जब हाथ से पतवार गिरी
अगले वक़्तों में सुनेंगे दर-ओ-दीवार मुझे
मेरी हर चीख़ मिरे अहद के उस पार गिरी
ख़ुद को अब गर्द के तूफ़ाँ से बचाओ 'क़ैसर'
तुम बहुत ख़ुश थे कि हम-साए की दीवार गिरी
phir mire sar pe kaḌī dhuup kī bauchhār girī
maiñ jahāñ jā ke chhupā thā vahīñ dīvār girī
log qistoñ meñ mujhe qatl kareñge shāyad
sab se pahle mirī āvāz pe talvār girī
aur kuchh der mirī aas na TuuTī hotī
āḳhirī mauj thī jab haath se patvār girī
agle vaqtoñ meñ suneñge dar-o-dīvār mujhe
merī har chīḳh mire ahd ke us paar girī
ḳhud ko ab gard ke tūfāñ se bachāo 'qaisar'
tum bahut ḳhush the ki ham-sā.e kī dīvār girī
پھر مرے سر پہ کڑی دھوپ کی بوچھار گری
میں جہاں جا کے چھپا تھا وہیں دیوار گری
لوگ قسطوں میں مجھے قتل کریں گے شاید
سب سے پہلے مری آواز پہ تلوار گری
اور کچھ دیر مری آس نہ ٹوٹی ہوتی
آخری موج تھی جب ہاتھ سے پتوار گری
اگلے وقتوں میں سنیں گے در و دیوار مجھے
میری ہر چیخ مرے عہد کے اس پار گری
خود کو اب گرد کے طوفاں سے بچاؤ قیصرؔ
تم بہت خوش تھے کہ ہم سایے کی دیوار گری