फिर कोई शक्ल नज़र आने लगी पानी पर
सख़्त मुश्किल में हूँ इस तरहा की आसानी पर
उस को परवा ही नहीं है कि वो किस हाल में है
मैं ही महजूब हुआ ख़्वाब की उर्यानी पर
करता रहता हूँ मैं उस बुत की परस्तिश हमा-वक़्त
फिर भी शक है उसे इस जज़्बा-ए-ईमानी पर
इक सदा है कहीं रातों में सफ़र करती हुई
इक हवा है कहीं आई हुई जौलानी पर
कोई रुकता हुआ दरिया मिरे क़दमों में कहीं
कोई झुकता हुआ सूरज मिरी पेशानी पर
वही मानूस थपेड़े थे मिरे चारों तरफ़
मुझे हैरत न हुई धूप की ताबानी पर
वापसी पर जो लगे हैं मुझे अपने जैसे
ख़ुश हुआ हूँ दर-ओ-दीवार की वीरानी पर
एक दिन सुब्ह जो उट्ठें तो ये दुनिया ही न हो
है मदार अब किसी ऐसी ही ख़ुश-इम्कानी पर
शेर होते हैं 'ज़फ़र' लुत्फ़-ए-सुख़न से ख़ाली
दाद मिलती है मुझे अब तो ख़ुश-अल्हानी पर
phir koī shakl nazar aane lagī paanī par
saḳht mushkil meñ huuñ is tarha kī āsānī par
us ko parvā hī nahīñ hai ki vo kis haal meñ hai
maiñ hī mahjūb huā ḳhvāb kī uryānī par
kartā rahtā huuñ maiñ us but kī parastish hamā-vaqt
phir bhī shak hai use is jazba-e-īmānī par
ik sadā hai kahīñ rātoñ meñ safar kartī huī
ik havā hai kahīñ aa.ī huī jaulānī par
koī ruktā huā dariyā mire qadmoñ meñ kahīñ
koī jhuktā huā sūraj mirī peshānī par
vahī mānūs thapeḌe the mire chāroñ taraf
mujhe hairat na huī dhuup kī tābānī par
vāpsī par jo lage haiñ mujhe apne jaise
ḳhush huā huuñ dar-o-dīvār kī vīrānī par
ek din sub.h jo uTTheñ to ye duniyā hī na ho
hai madār ab kisī aisī hī ḳhush-imkānī par
sher hote haiñ 'zafar' lutf-e-suḳhan se ḳhālī
daad miltī hai mujhe ab to ḳhush-alhānī par
پھر کوئی شکل نظر آنے لگی پانی پر
سخت مشکل میں ہوں اس طرح کی آسانی پر
اس کو پروا ہی نہیں ہے کہ وہ کس حال میں ہے
میں ہی محجوب ہوا خواب کی عریانی پر
کرتا رہتا ہوں میں اس بت کی پرستش ہمہ وقت
پھر بھی شک ہے اسے اس جذبۂ ایمانی پر
اک صدا ہے کہیں راتوں میں سفر کرتی ہوئی
اک ہوا ہے کہیں آئی ہوئی جولانی پر
کوئی رکتا ہوا دریا مرے قدموں میں کہیں
کوئی جھکتا ہوا سورج مری پیشانی پر
وہی مانوس تھپیڑے تھے مرے چاروں طرف
مجھے حیرت نہ ہوئی دھوپ کی تابانی پر
واپسی پر جو لگے ہیں مجھے اپنے جیسے
خوش ہوا ہوں در و دیوار کی ویرانی پر
ایک دن صبح جو اٹھیں تو یہ دنیا ہی نہ ہو
ہے مدار اب کسی ایسی ہی خوش امکانی پر
شعر ہوتے ہیں ظفرؔ لطف سخن سے خالی
داد ملتی ہے مجھے اب تو خوش الحانی پر