फिर देखते ऐश आदमी का
बनता जो फ़लक मिरी ख़ुशी का
गुलशन में तिरे लबों ने गोया
रस चूस लिया कली कली का
तेरा भी तो हुस्न है दग़ाबाज़
होता ही नहीं कोई किसी का
इतनी ही तो बस कसर है तुम में
कहना नहीं मानते किसी का
हम बज़्म में उन की चुपके बैठे
मुँह देखते हैं हर आदमी का
तुम कूचा-ए-ग़ैर में न जाना
उस राह में है गुज़र किसी का
किस किस ने लिए हैं तेरे बोसे
है ला'ल-ए-नमक-फ़िशाँ जो फीका
जो दम है वो है बसा ग़नीमत
सारा सौदा है जीते जी का
आग़ाज़ को कौन पूछता है
अंजाम अच्छा हो आदमी का
रोकें उन्हें क्या कि है ग़नीमत
आना-जाना कभी कभी का
कहते हैं उसे ज़बान-ए-उर्दू
जिस में न हो रंग फ़ारसी का
ऐसे से जो 'दाग़' ने निबाही
सच है कि ये काम था उसी का
phir dekhte aish aadmī kā
bantā jo falak mirī ḳhushī kā
gulshan meñ tire laboñ ne goyā
ras chuus liyā kalī kalī kā
terā bhī to husn hai daġhābāz
hotā hī nahīñ koī kisī kā
itnī hī to bas kasar hai tum meñ
kahnā nahīñ mānte kisī kā
ham bazm meñ un kī chupke baiThe
muñh dekhte haiñ har aadmī kā
tum kūcha-e-ġhair meñ na jaanā
us raah meñ hai guzar kisī kā
kis kis ne liye haiñ tere bose
hai la.al-e-namak-fishāñ jo phīkā
jo dam hai vo hai basā ġhanīmat
saara saudā hai jiite jī kā
āġhāz ko kaun pūchhtā hai
anjām achchhā ho aadmī kā
rokeñ unheñ kyā ki hai ġhanīmat
ānā-jānā kabhī kabhī kā
kahte haiñ use zabān-e-urdu
jis meñ na ho rang fārsī kā
aise se jo 'dāġh' ne nibāhī
sach hai ki ye kaam thā usī kā
پھر دیکھتے عیش آدمی کا
بنتا جو فلک مری خوشی کا
گلشن میں ترے لبوں نے گویا
رس چوس لیا کلی کلی کا
تیرا بھی تو حسن ہے دغاباز
ہوتا ہی نہیں کوئی کسی کا
اتنی ہی تو بس کسر ہے تم میں
کہنا نہیں مانتے کسی کا
ہم بزم میں ان کی چپکے بیٹھے
منہ دیکھتے ہیں ہر آدمی کا
تم کوچۂ غیر میں نہ جانا
اس راہ میں ہے گزر کسی کا
کس کس نے لئے ہیں تیرے بوسے
ہے لعل نمک فشاں جو پھیکا
جو دم ہے وہ ہے بسا غنیمت
سارہ سودا ہے جیتے جی کا
آغاز کو کون پوچھتا ہے
انجام اچھا ہو آدمی کا
روکیں انہیں کیا کہ ہے غنیمت
آنا جانا کبھی کبھی کا
کہتے ہیں اسے زبان اردو
جس میں نہ ہو رنگ فارسی کا
ایسے سے جو داغؔ نے نباہی
سچ ہے کہ یہ کام تھا اسی کا