पेश-ए-नज़र नहीं है जो कुछ दिन से रू-ए-दोस्त
बेचैन कर रही है बहुत आरज़ू-ए-दोस्त
आँखों से दूर हो भी गए वो तो क्या हुआ
दिल में बसी हुई है तमन्ना-ए-रू-ए-दोस्त
गुलज़ार-ए-आशिक़ी की फ़ज़ा पुर-बहार है
फैला हुआ है चार तरफ़ रंग-ओ-बू-ए-दोस्त
कानों में आ रही है बराबर वही सदा
भूली नहीं है दिल को मिरे गुफ़्तुगू-ए-दोस्त
गूँजी हुई फ़ज़ा में है वो सौत-ए-जाँ-नवाज़
अल्लह रे लुत्फ़-ओ-सोज़-ए-नवा-ए-गुलू-ए-दोस्त
हैं मुनअ'किस तमाम नुक़ूश-ए-जमाल-ए-यार
दिल एक आइना है कि है रू-ब-रू-ए-दोस्त
हर दम बहार जल्वा-ए-जानाँ है नौ-ब-नौ
हैराँ हूँ देख देख के जोश-ए-नुमू-ए-दोस्त
पर्वा नहीं जो राह-ए-मोहब्बत में सर गया
हम जान दे के हो तो गए सुर्ख़-रू-ए-दोस्त
इक़रार में तो ख़ैर नुमायाँ था लुत्फ़-ए-यार
इंकार में भी हाए वो तर्ज़-ए-निकू-ए-दोस्त
दीवानगी में हम ने ये दिल से कहा था कल
तुझ को क़सम है आज से देखे जो रू-ए-दोस्त
लेकिन जुनून-ए-शौक़ की आई जो एक लहर
मस्ताना-वार चल ही दिए हम ब-कू-ए-दोस्त
ज़ाहिद फ़रेब-ए-साग़र-ए-कौसर 'जलील' को
जो कर चुका है बै'अत-ए-जाम-ओ-सुबू-ए-दोस्त
pesh-e-nazar nahīñ hai jo kuchh din se rū-e-dost
bechain kar rahī hai bahut ārzū-e-dost
āñkhoñ se duur ho bhī ga.e vo to kyā huā
dil meñ basī huī hai tamannā-e-rū-e-dost
gulzār-e-āshiqī kī fazā pur-bahār hai
phailā huā hai chaar taraf rang-o-bū-e-dost
kānoñ meñ aa rahī hai barābar vahī sadā
bhūlī nahīñ hai dil ko mire guftugū-e-dost
gūñjī huī fazā meñ hai vo saut-e-jāñ-navāz
allah re lutf-o-soz-e-navā-e-gulū-e-dost
haiñ mun.akis tamām nuqūsh-e-jamāl-e-yār
dil ek aa.ina hai ki hai rū-ba-rū-e-dost
har dam bahār jalva-e-jānāñ hai nau-ba-nau
hairāñ huuñ dekh dekh ke josh-e-numū-e-dost
parvā nahīñ jo rāh-e-mohabbat meñ sar gayā
ham jaan de ke ho to ga.e surḳh-rū-e-dost
iqrār meñ to ḳhair numāyāñ thā lutf-e-yār
inkār meñ bhī haa.e vo tarz-e-nikū-e-dost
dīvāngī meñ ham ne ye dil se kahā thā kal
tujh ko qasam hai aaj se dekhe jo rū-e-dost
lekin junūn-e-shauq kī aa.ī jo ek lahr
mastānā-vār chal hī diye ham ba-kū-e-dost
zāhid fareb-e-sāġhar-e-kausar 'jalīl' ko
jo kar chukā hai bai'at-e-jām-o-subū-e-dost
پیش نظر نہیں ہے جو کچھ دن سے روئے دوست
بے چین کر رہی ہے بہت آرزوئے دوست
آنکھوں سے دور ہو بھی گئے وہ تو کیا ہوا
دل میں بسی ہوئی ہے تمنائے روئے دوست
گلزار عاشقی کی فضا پر بہار ہے
پھیلا ہوا ہے چار طرف رنگ و بوئے دوست
کانوں میں آ رہی ہے برابر وہی صدا
بھولی نہیں ہے دل کو مرے گفتگوئے دوست
گونجی ہوئی فضا میں ہے وہ صوت جاں نواز
اللہ رے لطف و سوز نوائے گلوئے دوست
ہیں منعکس تمام نقوش جمال یار
دل ایک آئنہ ہے کہ ہے روبروئے دوست
ہر دم بہار جلوۂ جاناں ہے نو بہ نو
حیراں ہوں دیکھ دیکھ کے جوش نموئے دوست
پروا نہیں جو راہ محبت میں سر گیا
ہم جان دے کے ہو تو گئے سرخ رو ئے دوست
اقرار میں تو خیر نمایاں تھا لطف یار
انکار میں بھی ہائے وہ طرز نکوئے دوست
دیوانگی میں ہم نے یہ دل سے کہا تھا کل
تجھ کو قسم ہے آج سے دیکھے جو روئے دوست
لیکن جنون شوق کی آئی جو ایک لہر
مستانہ وار چل ہی دیے ہم بکوئے دوست
زاہد فریب ساغر کوثر جلیلؔ کو
جو کر چکا ہے بیعت جام و سبوئے دوست