पेड़ सूखा हर्फ़ का और फ़ाख़ताएँ मर गईं
लब न खोले तो घुटन से सब दुआएँ मर गईं
एक दिन अपना सहीफ़ा मुझ पे नाज़िल हो गया
उस को पढ़ते ही मिरी सारी ख़ताएँ मर गईं
याद की गुदड़ी को मैं ने एक दिन पहना नहीं
एक दिन के हिज्र में सारी बलाएँ मर गईं
मैं ने मुस्तक़बिल में जा कर एक लम्बी साँस ली
फिर मिरे माज़ी की सब हासिद हवाएँ मर गईं
मैं ने क्या सोचा था उन के वास्ते और क्या हुआ
मेरे चुप होने से अंदर की सदाएँ मर गईं
इस तरफ़ मिट्टी थी मेरे उस तरफ़ इक नूर था
मैं जिया मेरे लिए दो इंतिहाएँ मर गईं
peḌ sūkhā harf kā aur fāḳhtā.eñ mar ga.iiñ
lab na khole to ghuTan se sab duā.eñ mar ga.iiñ
ek din apnā sahīfa mujh pe nāzil ho gayā
us ko paḌhte hī mirī saarī ḳhatā.eñ mar ga.iiñ
yaad kī gudḌī ko maiñ ne ek din pahnā nahīñ
ek din ke hijr meñ saarī balā.eñ mar ga.iiñ
maiñ ne mustaqbil meñ jā kar ek lambī saañs lī
phir mire maazī kī sab hāsid havā.eñ mar ga.iiñ
maiñ ne kyā sochā thā un ke vāste aur kyā huā
mere chup hone se andar kī sadā.eñ mar ga.iiñ
is taraf miTTī thī mere us taraf ik nuur thā
maiñ jiyā mere liye do intihā.eñ mar ga.iiñ
پیڑ سوکھا حرف کا اور فاختائیں مر گئیں
لب نہ کھولے تو گھٹن سے سب دعائیں مر گئیں
ایک دن اپنا صحیفہ مجھ پہ نازل ہو گیا
اس کو پڑھتے ہی مری ساری خطائیں مر گئیں
یاد کی گدڑی کو میں نے ایک دن پہنا نہیں
ایک دن کے ہجر میں ساری بلائیں مر گئیں
میں نے مستقبل میں جا کر ایک لمبی سانس لی
پھر مرے ماضی کی سب حاسد ہوائیں مر گئیں
میں نے کیا سوچا تھا ان کے واسطے اور کیا ہوا
میرے چپ ہونے سے اندر کی صدائیں مر گئیں
اس طرف مٹی تھی میرے اس طرف اک نور تھا
میں جیا میرے لیے دو انتہائیں مر گئیں