पयम्बर मैं नहीं 'आशिक़ हूँ जानी
रहे मूसी ही से ये लन-तरानी
सुलैमाँ हम हैं ऐ महबूब-ए-जानी
समझते हैं तुझे बिल्क़ीस-ए-सानी
खुला सौदे में उन ज़ुल्फ़ों के मर कर
परेशाँ ख़्वाब थी ये ज़िंदगानी
ये क्यूँ आता है उन से क़द-कुशी को
गड़ी जाती है सर्व-ए-बोस्तानी
वही देगा कबाब-ए-नर्गिसी भी
जो देता है शराब-ए-अर्ग़वानी
रंगा है 'इश्क़ ने किस दर्द-ए-सर से
हमारा जामा-ए-तन ज़ा'फ़रानी
मुसाफ़िर की तरह रह ख़ाना-बर-दोश
नहीं जाए-ए-इक़ामत दार-ए-फ़ानी
तिरे कूचे के मुश्ताक़ों के आगे
जहन्नम है बहिश्त-ए-आसमानी
वो मय-कश हूँ दिया है क़ाबला ने
जिसे ग़ुस्ल-ए-शराब-ए-अर्ग़वानी
यक़ीं है दीदा-ए-बारीक-बीं को
करे 'ऐनक तलब ये ना-तवानी
वो ख़त है यादगार-ए-हुस्न-ए-रफ़्ता
वो सब्ज़ा है गुलिस्ताँ की निशानी
निकलती मुँह से क़ासिद के नहीं बात
मगर लाया है पैग़ाम-ए-ज़बानी
ये मुश्त-ए-ख़ाक हो मक़्बूल-ए-दरगाह
सबा की चाहता हूँ मेहरबानी
लिए हैं बोसा-ए-रुख़्सार-ए-साफ़
पिया है हम ने आईने का पानी
सफ़ेदी मू की हो काफ़ूर हर-चंद
कोई मिटता है ये दाग़-ए-जवानी
न ख़ुश हो फ़रबही-ए-तन से ग़ाफ़िल
सुबुक करती है मुर्दे को गिरानी
मुए जो पेशतर मरने से वो लोग
कफ़न समझे क़बा-ए-ज़िंदगानी
जलाती है दिल 'आतिश' तूर की तरह
किसी पर्दा-नशीं की लन-तरानी
payambar maiñ nahīñ 'āshiq huuñ jaanī
rahe muusī hī se ye lan-tarānī
sulaimāñ ham haiñ ai mahbūb-e-jānī
samajhte haiñ tujhe bilqīs-e-sānī
khulā saude meñ un zulfoñ ke mar kar
pareshāñ ḳhvāb thī ye zindagānī
ye kyuuñ aatā hai un se qad-kushī ko
gaḌī jaatī hai sarv-e-bostānī
vahī degā kabāb-e-nargisī bhī
jo detā hai sharāb-e-arġhavānī
rañgā hai 'ishq ne kis dard-e-sar se
hamārā jāma-e-tan zā'frānī
musāfir kī tarah rah ḳhāna-bar-dosh
nahīñ jā.e-e-iqāmat dār-e-fānī
tire kūche ke mushtāqoñ ke aage
jahannam hai bahisht-e-āsmānī
vo mai-kash huuñ diyā hai qābla ne
jise ġhusl-e-sharāb-e-arġhavānī
yaqīñ hai dīda-e-bārīk-bīñ ko
kare 'ainak talab ye nā-tavānī
vo ḳhat hai yādgār-e-husn-e-rafta
vo sabza hai gulistāñ kī nishānī
nikaltī muñh se qāsid ke nahīñ baat
magar laayā hai paiġhām-e-zabānī
ye musht-e-ḳhāk ho maqbūl-e-dargāh
sabā kī chāhtā huuñ mehrbānī
liye haiñ bosa-e-ruḳhsāra-e-sāf
piyā hai ham ne ā.īne kā paanī
safedī mū kī ho kāfūr har-chand
koī miTtā hai ye dāġh-e-javānī
na ḳhush ho farbahī-e-tan se ġhāfil
subuk kartī hai murde ko girānī
mue jo peshtar marne se vo log
kafan samjhe qabā-e-zindagānī
jalātī hai dil 'ātish' tuur kī tarah
kisī parda-nashīñ kī lan-tarānī
پیمبر میں نہیں عاشق ہوں جانی
رہے موسی ہی سے یہ لن ترانی
سلیماں ہم ہیں اے محبوب جانی
سمجھتے ہیں تجھے بلقیس ثانی
کھلا سودے میں ان زلفوں کے مر کر
پریشاں خواب تھی یہ زندگانی
یہ کیوں آتا ہے ان سے قد کشی کو
گڑی جاتی ہے سرو بوستانی
وہی دے گا کباب نرگسی بھی
جو دیتا ہے شراب ارغوانی
رنگا ہے عشق نے کس درد سر سے
ہمارا جامۂ تن زعفرانی
مسافر کی طرح رہ خانہ بر دوش
نہیں جائے اقامت دار فانی
ترے کوچہ کے مشتاقوں کے آگے
جہنم ہے بہشت آسمانی
وہ میکش ہوں دیا ہے قابلہ نے
جسے غسل شراب ارغوانی
یقیں ہے دیدۂ باریک بیں کو
کرے عینک طلب یہ ناتوانی
وہ خط ہے یادگار حسن رفتہ
وہ سبزہ ہے گلستاں کی نشانی
نکلتی منہ سے قاصد کے نہیں بات
مگر لایا ہے پیغام زبانی
یہ مشت خاک ہو مقبول درگاہ
صبا کی چاہتا ہوں مہربانی
لئے ہیں بوسۂ رخسارۂ صاف
پیا ہے ہم نے آئینہ کا پانی
سفیدی مو کی ہو کافور ہر چند
کوئی مٹتا ہے یہ داغ جوانی
نہ خوش ہو فربہی تن سے غافل
سبک کرتی ہے مردے کو گرانی
موے جو پیشتر مرنے سے وہ لوگ
کفن سمجھے قبائے زندگانی
جلاتی ہے دل آتشؔ طور کی طرح
کسی پردہ نشیں کی لن ترانی