पयामी कामयाब आए न आए
ख़ुदा जाने जवाब आए न आए
तिरे ग़मज़ों को अपने काम से काम
किसी के दिल को ताब आए न आए
उसे शरमाएँगे ज़िक्र-ए-अदू पर
ये क़िस्मत है हिजाब आए न आए
तुम आओ जब सवार-ए-तौसन-ए-नाज़
क़यामत हम-रिकाब आए न आए
शुमार अपनी ख़ताओं का बता दूँ
तुम्हें शायद हिसाब आए न आए
नए ख़ंजर से मुझ को ज़ब्ह कीजे
फिर ऐसी आब-ओ-ताब आए न आए
शब-ए-वस्ल-ए-अदू तेरी बला से
किसी मुज़्तर को ख़्वाब आए न आए
पियूँगा आज साक़ी सेर हो कर
मयस्सर फिर शराब आए न आए
ये जा कर पूछ आ तू उन से दरबाँ
कि वो ख़ाना-ख़राब आए न आए
न देखो 'दाग़' का दीवान देखो
समझ में ये किताब आए न आए
payāmī kāmyāb aa.e na aa.e
ḳhudā jaane javāb aa.e na aa.e
tire ġhamzoñ ko apne kaam se kaam
kisī ke dil ko taab aa.e na aa.e
use sharmā.eñge zikr-e-adū par
ye qismat hai hijāb aa.e na aa.e
tum aao jab savār-e-tausan-e-nāz
qayāmat ham-rikāb aa.e na aa.e
shumār apnī ḳhatāoñ kā batā duuñ
tumheñ shāyad hisāb aa.e na aa.e
na.e ḳhanjar se mujh ko zab.h kiije
phir aisī āb-o-tāb aa.e na aa.e
shab-e-vasl-e-adū terī balā se
kisī muztar ko ḳhvāb aa.e na aa.e
piyūñgā aaj saaqī ser ho kar
mayassar phir sharāb aa.e na aa.e
ye jā kar pūchh aa tū un se darbāñ
ki vo ḳhāna-ḳharāb aa.e na aa.e
na dekho 'dāġh' kā dīvān dekho
samajh meñ ye kitāb aa.e na aa.e
پیامی کامیاب آئے نہ آئے
خدا جانے جواب آئے نہ آئے
ترے غمزوں کو اپنے کام سے کام
کسی کے دل کو تاب آئے نہ آئے
اسے شرمائیں گے ذکر عدو پر
یہ قسمت ہے حجاب آئے نہ آئے
تم آؤ جب سوار تو سن ناز
قیامت ہم رکاب آئے نہ آئے
شمار اپنی خطاؤں کا بتا دوں
تمہیں شاید حساب آئے نہ آئے
نئے خنجر سے مجھ کو ذبح کیجے
پھر ایسی آب و تاب آئے نہ آئے
شب وصل عدو تیری بلا سے
کسی مضطر کو خواب آئے نہ آئے
پیوں گا آج ساقی سیر ہو کر
میسر پھر شراب آئے نہ آئے
یہ جا کر پوچھ آ تو ان سے درباں
کہ وہ خانہ خراب آئے نہ آئے
نہ دیکھو داغؔ کا دیوان دیکھو
سمجھ میں یہ کتاب آئے نہ آئے