पता चला कोई गिर्दाब से गुज़रते हुए
न बंद होते हुए बाब से गुज़रते हुए
कि ये तो रखता परेशान ही मुझे शब-भर
मैं जाग उठा हूँ तिरे ख़्वाब से गुज़रते हुए
मैं अपने दिल के अँधेरों को याद रखता हूँ
तिरे बदन की तब-ओ-ताब से गुज़रते हुए
हवा-ए-ख़ौफ़-ए-ख़िज़ाँ में लरज़ता रहता हूँ
किसी भी वादी-ए-शादाब से गुज़रते हुए
मुझे जो मिलती नहीं दुश्मनों की ख़ैर-ख़बर
तो पूछ लेता हूँ अहबाब से गुज़रते हुए
ज़मीं पे देखता हूँ आब में गुलाब रवाँ
और आसमान पे सुरख़ाब से गुज़रते हुए
मैं छोड़ आया हूँ पीछे हज़ार-हा मेंडक
सुख़न-सराई के तालाब से गुज़रते हुए
मुझे तो एक बहाना ही चाहिए था फ़क़त
कि डूब जाऊँगा पायाब से गुज़रते हुए
कहाँ चली गईं करके ये तोड़ फोड़ 'ज़फ़र'
वो बिजलियाँ मिरे आ'साब से गुज़रते हुए
patā chalā koī girdāb se guzarte hue
na band hote hue baab se guzarte hue
ki ye to rakhtā pareshān hī mujhe shab-bhar
maiñ jaag uThā huuñ tire ḳhvāb se guzarte hue
maiñ apne dil ke añdheroñ ko yaad rakhtā huuñ
tire badan kī tab-o-tāb se guzarte hue
havā-e-ḳhauf-e-ḳhizāñ meñ laraztā rahtā huuñ
kisī bhī vādī-e-shādāb se guzarte hue
mujhe jo miltī nahīñ dushmanoñ kī ḳhair-ḳhabar
to pūchh letā huuñ ahbāb se guzarte hue
zamīñ pe dekhtā huuñ aab meñ gulāb ravāñ
aur āsmān pe surḳhāb se guzarte hue
maiñ chhoḌ aayā huuñ pīchhe hazār-hā meñDak
suḳhan-sarā.ī ke tālāb se guzarte hue
mujhe to ek bahāna hī chāhiye thā faqat
ki Duub jā.ūñgā pāyāb se guzarte hue
kahāñ chalī ga.iiñ karke ye toḌ phoḌ 'zafar'
vo bijliyāñ mire ā'sāb se guzarte hue
پتا چلا کوئی گرداب سے گزرتے ہوئے
نہ بند ہوتے ہوئے باب سے گزرتے ہوئے
کہ یہ تو رکھتا پریشان ہی مجھے شب بھر
میں جاگ اٹھا ہوں ترے خواب سے گزرتے ہوئے
میں اپنے دل کے اندھیروں کو یاد رکھتا ہوں
ترے بدن کی تب و تاب سے گزرتے ہوئے
ہوائے خوف خزاں میں لرزتا رہتا ہوں
کسی بھی وادئ شاداب سے گزرتے ہوئے
مجھے جو ملتی نہیں دشمنوں کی خیر خبر
تو پوچھ لیتا ہوں احباب سے گزرتے ہوئے
زمیں پہ دیکھتا ہوں آب میں گلاب رواں
اور آسمان پہ سرخاب سے گزرتے ہوئے
میں چھوڑ آیا ہوں پیچھے ہزارہا مینڈک
سخن سرائی کے تالاب سے گزرتے ہوئے
مجھے تو ایک بہانہ ہی چاہیئے تھا فقط
کہ ڈوب جاؤں گا پایاب سے گزرتے ہوئے
کہاں چلی گئیں کرکے یہ توڑ پھوڑ ظفرؔ
وہ بجلیاں مرے اعصاب سے گزرتے ہوئے