परिंदे और कोई दम में जलने वाले थे
दरख़्त दिल में भरी आग उगलने वाले थे
मुअज़्ज़िनों को तो इस बात का पता ही न था
कहीं से तीर अँधेरे में चलने वाले थे
जहाज़-रानों की आँखों में इतनी वहशत थी
कि बादबान ही ख़ेमों में ढलने वाले थे
ये मास-ख़ोर ये अंधी गुफा में पलते चोर
सब अपनी नस्ल के मुर्दों पे पलने वाले थे
मैं जानता हूँ चराग़ों से आईनों का सफ़र
मैं जानता हूँ जो बाँसों उछलने वाले थे
कि रेत उड़ रही होगी तो याद आएँगे
तमाम आइने जो राज़ उगलने वाले थे
मुझे कुम्हार के सोने से मसअला नहीं पर
ज़ुरूफ़ आज भी कच्चे निकलने वाले थे
वो सर्द रात वो क़ुक़नुस वो इक चराग़ 'उस्मान'
सब अपने अपने अलाव में जलने वाले थे
parinde aur koī dam meñ jalne vaale the
daraḳht dil meñ bharī aag ugalne vaale the
muazzinoñ ko to is baat kā pata hī na thā
kahīñ se tiir añdhere meñ chalne vaale the
jahāz-rānoñ kī āñkhoñ meñ itnī vahshat thī
ki bādbān hī ḳhemoñ meñ Dhalne vaale the
ye mās-ḳhor ye andhī guphā meñ palte chor
sab apnī nasl ke murdoñ pe palne vaale the
maiñ jāntā huuñ charāġhoñ se ā.inoñ kā safar
maiñ jāntā huuñ jo bāñsoñ uchhalne vaale the
ki ret uḌ rahī hogī to yaad ā.eñge
tamām aa.ine jo raaz ugalne vaale the
mujhe kumhār ke sone se mas.ala nahīñ par
zurūf aaj bhī kachche nikalne vaale the
vo sard raat vo quqnus vo ik charāġh 'usmān'
sab apne apne alaav meñ jalne vaale the
پرندے اور کوئی دم میں جلنے والے تھے
درخت دل میں بھری آگ اگلنے والے تھے
مؤذنوں کو تو اس بات کا پتہ ہی نہ تھا
کہیں سے تیر اندھیرے میں چلنے والے تھے
جہاز رانوں کی آنکھوں میں اتنی وحشت تھی
کہ بادبان ہی خیموں میں ڈھلنے والے تھے
یہ ماس خور یہ اندھی گپھا میں پلتے چور
سب اپنی نسل کے مردوں پہ پلنے والے تھے
میں جانتا ہوں چراغوں سے آئینوں کا سفر
میں جانتا ہوں جو بانسوں اچھلنے والے تھے
کہ ریت اڑ رہی ہوگی تو یاد آئیں گے
تمام آئنے جو راز اگلنے والے تھے
مجھے کمہار کے سونے سے مسئلہ نہیں پر
ظروف آج بھی کچے نکلنے والے تھے
وہ سرد رات وہ ققنس وہ اک چراغ عثمانؔ
سب اپنے اپنے الاؤ میں جلنے والے تھے