मावरा-ए-रम-ओ-रफ़्तार गुज़रती हुई शाम
साँस लेती हुई सीने में उतरती हुई शाम
और से और हुआ जाता रहा रंग-ए-शफ़क़
क्या किसी शाने पे सिमटी है बिखरती हुई शाम
आँख के गिर्द सियाही सी उतर आती हुई
और कहीं दूर बहुत दूर ठहरती हुई शाम
क्या 'इलाक़ा है कि इक जस्त पे मौक़ूफ़ हुआ
क्या ख़बर जी उठे इक आन में मरती हुई शाम
क्या ख़बर है कि मिरे दिल में अचानक आ जाए
और थम जाए ठिठुरती हुई डरती हुई शाम
इस बहाओ में बहे जाने से क्या रोकेगी
इक सियह फूल सा दहलीज़ पे धरती हुई शाम
ख़्वाब-आसार हुए जाने लगे हैं दर-ओ-बाम
कैसी वहशत लिए फिरती है उभरती हुई शाम
māvarā-e-ram-o-raftār guzartī huī shaam
saañs letī huī siine meñ utartī huī shaam
aur se aur huā jaatā rahā rang-e-shafaq
kyā kisī shāne pe simTī hai bikhartī huī shaam
aañkh ke gird siyāhī sī utar aatī huī
aur kahīñ duur bahut duur Thahartī huī shaam
kyā 'ilāqa hai ki ik jast pe mauqūf huā
kyā ḳhabar jī uThe ik aan meñ martī huī shaam
kyā ḳhabar hai ki mire dil meñ achānak aa jaa.e
aur tham jaa.e ThiThurtī huī Dartī huī shaam
is bahāo meñ bahe jaane se kyā rokegī
ik siyah phuul sā dahlīz pe dhartī huī shaam
ḳhvāb-āsār hue jaane lage haiñ dar-o-bām
kaisī vahshat liye phirtī hai ubhartī huī shaam
ماورائے رم و رفتار گزرتی ہوئی شام
سانس لیتی ہوئی سینے میں اترتی ہوئی شام
اور سے اور ہوا جاتا رہا رنگ شفق
کیا کسی شانے پہ سمٹی ہے بکھرتی ہوئی شام
آنکھ کے گرد سیاہی سی اتر آتی ہوئی
اور کہیں دور بہت دور ٹھہرتی ہوئی شام
کیا علاقہ ہے کہ اک جست پہ موقوف ہوا
کیا خبر جی اٹھے اک آن میں مرتی ہوئی شام
کیا خبر ہے کہ مرے دل میں اچانک آ جائے
اور تھم جائے ٹھٹھرتی ہوئی ڈرتی ہوئی شام
اس بہاؤ میں بہے جانے سے کیا روکے گی
اک سیہ پھول سا دہلیز پہ دھرتی ہوئی شام
خواب آثار ہوئے جانے لگے ہیں در و بام
کیسی وحشت لیے پھرتی ہے ابھرتی ہوئی شام