निहाल-ए-हुस्न बहुत कम समय का साथी था
मगर जो नक़्श मिरे आइने का साथी था
बहुत ग़ुरूर से फिरता था मैं जुनूँ-आसार
वो इस लिए कि तिरे क़ाफ़िले का साथी था
मिरी तलब थी मगर सा'अत-ए-यक़ीन तलक
वो कम-निगाह भी दो-आतिशे का साथी था
कि रंग-ए-रफ़्तगी हर वक़्त था निगाहों में
मगर जो शाम के दौरानिए का साथी था
फिर एक रोज़ वो गर्द-ए-शफ़क़ में डूब गया
जो इंतिज़ार किसी ताक़चे का साथी था
मगर वो नींद वो जन्नत का पेश-ख़ेमा नींद
जहाँ पे हर कोई इक दूसरे का साथी था
उसी ने टूट के आँखों में रौशनी भर दी
जो इक सितारा मिरे रतजगे का साथी था
उसे तो चाहिए वो साथ दे सहारा दे
उसे ख़बर है वो अच्छे-बुरे का साथी था
मिरे लिए मिरी बाँहें क़फ़स बनी हुई थीं
मिरे लिए तो अंधेरा दिए का साथी था
ये रज़्म-गाह अबाबील खा गई मेरे
तमाम शहर यहाँ अब्रहे का साथी था
nihāl-e-husn bahut kam samay kā sāthī thā
magar jo naqsh mire aa.ine kā sāthī thā
bahut ġhurūr se phirtā thā maiñ junūñ-āsār
vo is liye ki tire qāfile kā sāthī thā
mirī talab thī magar sā'at-e-yaqīn talak
vo kam-nigāh bhī do-ātishe kā sāthī thā
ki rang-e-raftagī har vaqt thā nigāhoñ meñ
magar jo shaam ke daurāniye kā sāthī thā
phir ek roz vo gard-e-shafaq meñ duub gayā
jo intizār kisī tāqche kā sāthī thā
magar vo niiñd vo jannat kā pesh-ḳhema niiñd
jahāñ pe har koī ik dūsre kā sāthī thā
usī ne TuuT ke āñkhoñ meñ raushnī bhar dī
jo ik sitāra mire ratjage kā sāthī thā
use to chāhiye vo saath de sahārā de
use ḳhabar hai vo achchhe-bure kā sāthī thā
mire liye mirī bāñheñ qafas banī huī thiiñ
mire liye to añdherā diye kā sāthī thā
ye razm-gāh abābīl khā ga.ī mere
tamām shahr yahāñ abrahe kā sāthī thā
نہال حسن بہت کم سمے کا ساتھی تھا
مگر جو نقش مرے آئنے کا ساتھی تھا
بہت غرور سے پھرتا تھا میں جنوں آثار
وہ اس لیے کہ ترے قافلے کا ساتھی تھا
مری طلب تھی مگر ساعت یقین تلک
وہ کم نگاہ بھی دو آتشے کا ساتھی تھا
کہ رنگ رفتگی ہر وقت تھا نگاہوں میں
مگر جو شام کے دورانیے کا ساتھی تھا
پھر ایک روز وہ گرد شفق میں ڈوب گیا
جو انتظار کسی طاقچے کا ساتھی تھا
مگر وہ نیند وہ جنت کا پیش خیمہ نیند
جہاں پہ ہر کوئی اک دوسرے کا ساتھی تھا
اسی نے ٹوٹ کے آنکھوں میں روشنی بھر دی
جو اک ستارہ مرے رت جگے کا ساتھی تھا
اسے تو چاہیے وہ ساتھ دے سہارا دے
اسے خبر ہے وہ اچھے برے کا ساتھی تھا
مرے لیے مری بانہیں قفس بنی ہوئی تھیں
مرے لیے تو اندھیرا دیے کا ساتھی تھا
یہ رزم گاہ ابابیل کھا گئی میرے
تمام شہر یہاں ابرہے کا ساتھی تھا