पर्दे में यूँ तो फूल खिला एहतियात का
चर्चा है शहर भर में उसी वारदात का
फिर आग से गुज़र के मिटी है सियाह भूक
आटा तनूर में नज़र आया परात का
मोहलत ही दी न अपने दिल-ए-शर-पसंद ने
परहेज़ था उसे तो बहुत छूत-छात का
मोड़ा जो चेहरा साथ वो सारा ही मुड़ गया
जैसे बना हुआ था किसी सख़्त धात का
दो चार हाथ खेलिए खुल कर बस अपने साथ
ऐसा नहीं ख़याल हमें जीत मात का
सब रौशनाई उड़ गई शब भर में क्या लिखें
ढकना खुला रहा कहीं दिल की दवात का
घर बेच कर ही अब के चुकाया है क़र्ज़-ए-ग़म
हम बोझ कब सहार सके उस की बात का
कुछ रेत फैलती हुई सहरा-ए-सब्र की
कुछ ज़ोर टूटता हुआ दरिया-ए-ज़ात का
आँखों से आते जाते उलझता है ऐ 'ज़फ़र'
दीवार पर लिखा हुआ कुछ उस के हात का
parde meñ yuuñ to phuul khilā ehtiyāt kā
charchā hai shahr bhar meñ usī vārdāt kā
phir aag se guzar ke miTī hai siyāh bhuuk
aaTā tanūr meñ nazar aayā parāt kā
mohlat hī dī na apne dil-e-shar-pasand ne
parhez thā use to bahut chhūt-chhāt kā
moḌā jo chehra saath vo saarā hī muḌ gayā
jaise banā huā thā kisī saḳht dhaat kā
do chaar haath kheliye khul kar bas apne saath
aisā nahīñ ḳhayāl hameñ jiit maat kā
sab raushnā.ī uḌ ga.ī shab bhar meñ kyā likheñ
Dhaknā khulā rahā kahīñ dil kī davāt kā
ghar bech kar hī ab ke chukāyā hai qarz-e-ġham
ham bojh kab sahār sake us kī baat kā
kuchh ret phailtī huī sahrā-e-sabr kī
kuchh zor TūTtā huā dariyā-e-zāt kā
āñkhoñ se aate jaate ulajhtā hai ai 'zafar'
dīvār par likhā huā kuchh us ke haat kā
پردے میں یوں تو پھول کھلا احتیاط کا
چرچا ہے شہر بھر میں اسی واردات کا
پھر آگ سے گزر کے مٹی ہے سیاہ بھوک
آٹا تنور میں نظر آیا پرات کا
مہلت ہی دی نہ اپنے دل شر پسند نے
پرہیز تھا اسے تو بہت چھوت چھات کا
موڑا جو چہرہ ساتھ وہ سارا ہی مڑ گیا
جیسے بنا ہوا تھا کسی سخت دھات کا
دو چار ہاتھ کھیلئے کھل کر بس اپنے ساتھ
ایسا نہیں خیال ہمیں جیت مات کا
سب روشنائی اڑ گئی شب بھر میں کیا لکھیں
ڈھکنا کھلا رہا کہیں دل کی دوات کا
گھر بیچ کر ہی اب کے چکایا ہے قرض غم
ہم بوجھ کب سہار سکے اس کی بات کا
کچھ ریت پھیلتی ہوئی صحرائے صبر کی
کچھ زور ٹوٹتا ہوا دریائے ذات کا
آنکھوں سے آتے جاتے الجھتا ہے اے ظفرؔ
دیوار پر لکھا ہوا کچھ اس کے ہات کا