पकड़ा गया मैं ज़ौक़-ए-तमाशा के ज़ोर में
होता है यूँ भी फ़र्क़ 'ज़फ़र' चोर चोर में
आया था घर से एक झलक देखने तिरी
मैं खो के रह गया तिरे बच्चों के शोर में
ज़ंजीर सी बनी हुई बालों के उस तरफ़
तस्वीर सी तनी हुई आँखों की ओर में
इक राज़ था चमकते हुए सुर्ख़ रंग का
संगीन कारनिस पे धरे सब्ज़ मोर में
गुज़रूँगा उस के जिस्म के जंगल से किस तरह
आतिश भरी हुई है मिरी पोर पोर में
बिखरे हुओं को मोतियों की तरह ऐ 'ज़फ़र'
किस ने पिरो दिया है किसी डर की डोर में
pakḌā gayā maiñ zauq-e-tamāshā ke zor meñ
hotā hai yuuñ bhī farq 'zafar' chor chor meñ
aayā thā ghar se ek jhalak dekhne tirī
maiñ kho ke rah gayā tire bachchoñ ke shor meñ
zanjīr sī banī huī bāloñ ke us taraf
tasvīr sī tanī huī āñkhoñ kī or meñ
ik raaz thā chamakte hue surḳh rang kā
sangīn Cornice pe dhare sabz mor meñ
guzrūñgā us ke jism ke jangal se kis tarah
ātish bharī huī hai mirī por por meñ
bikhre huoñ ko motiyoñ kī tarh ai 'zafar'
kis ne piro diyā hai kisī Dar kī Dor meñ
پکڑا گیا میں ذوق تماشا کے زور میں
ہوتا ہے یوں بھی فرق ظفرؔ چور چور میں
آیا تھا گھر سے ایک جھلک دیکھنے تری
میں کھو کے رہ گیا ترے بچوں کے شور میں
زنجیر سی بنی ہوئی بالوں کے اس طرف
تصویر سی تنی ہوئی آنکھوں کی اور میں
اک راز تھا چمکتے ہوئے سرخ رنگ کا
سنگین کارنس پہ دھرے سبز مور میں
گزروں گا اس کے جسم کے جنگل سے کس طرح
آتش بھری ہوئی ہے مری پور پور میں
بکھرے ہوؤں کو موتیوں کی طرح اے ظفرؔ
کس نے پرو دیا ہے کسی ڈر کی ڈور میں