पहुँच नहीं तो मोहब्बत का हौसला क्या है
ख़ुदा के पूजने वाले बता ख़ुदा क्या है
तलब की ज़िल्लत-ओ-बेचारगी मआ'ज़-अल्लाह
मिरी ख़ुदी का तशन्नुज है ये दुआ क्या है
हम उठ खड़े हुए दुनिया से झाड़ कर दामन
कि इन बुझे हुए ज़र्रात में धरा क्या है
रवा है क्या तिरी दुनिया में नारवा क्या है
मुझे बता कि ये हंगामा ऐ ख़ुदा क्या है
ये इत्तिहाद-ए-तबीअ'त ये इख़्तिलाफ़-ए-मिज़ाज
ये तुर्फ़ा-कारी-ए-रफ़्तार-ए-इर्तिक़ा क्या है
ख़ुदा-फ़रोशी-ए-ज़ुहहाद-ए-सज्दा-कोश है क्या
ख़ुदा-फ़रामुशी-ए-रिंद-ए-कज-अदा क्या है
ख़राश-ए-आरज़ू-ए-क़ल्ब-ए-बादशह है क्या
सुकून-ए-ख़ातिर-ए-आसूदा-ए-गदा क्या है
हयात जिस को कहें इक जुनून-ए-गर्म-रवी
ये क्यों है इस की ग़रज़ इस का मुद्दआ' क्या है
कहाँ है अव्वल-ए-अव्वल कहाँ अख़ीर-ए-अख़ीर
नुमूद-ए-बे-सर-ओ-पा का ये सिलसिला क्या है
दिमाग़ में ये तजस्सुस कहाँ से आया है
ये क्यों है क्यों कोई बतलाए और ये क्या क्या है
pahuñch nahīñ to mohabbat kā hausla kyā hai
ḳhudā ke pūjne vaale batā ḳhudā kyā hai
talab kī zillat-o-bechārgī ma.āz-allāh
mirī ḳhudī kā tashannuj hai ye duā kyā hai
ham uTh khaḌe hue duniyā se jhaaḌ kar dāman
ki in bujhe hue zarrāt meñ dharā kyā hai
ravā hai kyā tirī duniyā meñ nāravā kyā hai
mujhe batā ki ye hangāma ai ḳhudā kyā hai
ye ittihād-e-tabī.at ye iḳhtilāf-e-mizāj
ye turfa-kārī-e-raftār-e-irtiqā kyā hai
ḳhudā-faroshī-e-zuhhād-e-sajda-kosh hai kyā
ḳhudā-farāmushī-e-rind-e-kaj-adā kyā hai
ḳharāsh-e-ārzū-e-qalb-e-bādshah hai kyā
sukūn-e-ḳhātir-e-āsūda-e-gadā kyā hai
hayāt jis ko kaheñ ik junūn-e-garm-ravī
ye kyoñ hai is kī ġharaz is kā mudda.ā kyā hai
kahāñ hai avval-e-avval kahāñ aḳhīr-e-aḳhīr
numūd-e-be-sar-o-pā kā ye silsila kyā hai
dimāġh meñ ye tajassus kahāñ se aaya hai
ye kyoñ hai kyoñ koī batlā.e aur ye kyā kyā hai
پہنچ نہیں تو محبت کا حوصلہ کیا ہے
خدا کے پوجنے والے بتا خدا کیا ہے
طلب کی ذلت و بے چارگی معاذ اللہ
مری خودی کا تشنج ہے یہ دعا کیا ہے
ہم اٹھ کھڑے ہوئے دنیا سے جھاڑ کر دامن
کہ ان بجھے ہوئے ذرات میں دھرا کیا ہے
روا ہے کیا تری دنیا میں ناروا کیا ہے
مجھے بتا کہ یہ ہنگامہ اے خدا کیا ہے
یہ اتحاد طبیعت یہ اختلاف مزاج
یہ طرفہ کاریٔ رفتار ارتقا کیا ہے
خدا فروشیٔ زہاد سجدہ کوش ہے کیا
خدا فرامشیٔ رند کج ادا کیا ہے
خراش آرزوئے قلب بادشہ ہے کیا
سکون خاطر آسودۂ گدا کیا ہے
حیات جس کو کہیں اک جنون گرم روی
یہ کیوں ہے اس کی غرض اس کا مدعا کیا ہے
کہاں ہے اول اول کہاں اخیر اخیر
نمود بے سر و پا کا یہ سلسلہ کیا ہے
دماغ میں یہ تجسس کہاں سے آیا ہے
یہ کیوں ہے کیوں کوئی بتلائے اور یہ کیا کیا ہے