अहबाब छुटे महबूब छुटे घर छूट गया दर छूट गया
जब दिल से तमन्ना छूट गई सब रिश्ता नाता टूट गया
ऐ साक़ी-ए-बज़्म-ए-कैफ़-ए-हयात अब मुझ को प्यासा जाने दे
मय जिस में मिरी तक़दीर की थी वो शीशा तुझ से टूट गया
गो शीशा-गर-ए-क़ुदरत ने बहुत टूटे हुए शीशे जोड़ दिए
लेकिन ये हमारा शीशा-ए-दिल जोड़ा न गया यूँ टूट गया
इस साज़ पे नग़्मा अब छेड़ो तो नाला पैदा होता है
मौजूद हैं वो सब तार जो थे बस एक नहीं है टूट गया
हम रोते हैं अपने प्यारों को और फ़ितरत हम से कहती है
अब और खिलौनों से खेलो जो टूट गया सो टूट गया
वो राह में है आँखों में है दम ऐ बाद-ए-सबा आहिस्ता गुज़र
हैं तार-ए-नफ़स पर हचकोले अब टूट गया अब टूट गया
कहते हो कि माँगो जो माँगो बतलाओ तुम्ही हम क्या माँगें
चाहा था कि माँगें तुम से तुम्हें ये हो न सका जी छूट गया
हाँ सुन कि तुझे थी हम से ग़रज़ मोहताज-ए-नज़र था हुस्न तिरा
रक्खी रही शान-ए-इस्तिग़ना आख़िर को ये भांडा फूट गया
ये दिल तो वही दिल है 'रिज़वी' आबाद भी था वीरान भी है
अरमानों की इस बस्ती को कल एक मुसाफ़िर लूट गया
ahbāb chhuTe mahbūb chhuTe ghar chhūT gayā dar chhūT gayā
jab dil se tamanna chhūT ga.ī sab rishta naatā TuuT gayā
ai sāqī-e-bazm-e-kaif-e-hayāt ab mujh ko pyāsā jaane de
mai jis meñ mirī taqdīr kī thī vo shīsha tujh se TuuT gayā
go shīsha-gar-e-qudrat ne bahut TuuTe hue shīshe joḌ diye
lekin ye hamārā shīsha-e-dil joḌā na gayā yuuñ TuuT gayā
is saaz pe naġhma ab chheḌo to naala paidā hotā hai
maujūd haiñ vo sab taar jo the bas ek nahīñ hai TuuT gayā
ham rote haiñ apne pyāroñ ko aur fitrat ham se kahtī hai
ab aur khilaunoñ se khelo jo TuuT gayā so TuuT gayā
vo raah meñ hai āñkhoñ meñ hai dam ai bād-e-sabā āhista guzar
haiñ tār-e-nafas par hachkole ab TuuT gayā ab TuuT gayā
kahte ho ki māñgo jo māñgo batlāo tumhī ham kyā māñgeñ
chāhā thā ki māñgeñ tum se tumheñ ye ho na sakā jī chhūT gayā
haañ sun ki tujhe thī ham se ġharaz mohtāj-e-nazar thā husn tirā
rakkhī rahī shān-e-istiġhnā āḳhir ko ye bhāñDā phuuT gayā
ye dil to vahī dil hai 'rizvī' ābād bhī thā vīrān bhī hai
armānoñ kī is bastī ko kal ek musāfir luuT gayā
احباب چھٹے محبوب چھٹے گھر چھوٹ گیا در چھوٹ گیا
جب دل سے تمنا چھوٹ گئی سب رشتہ ناتا ٹوٹ گیا
اے ساقیٔ بزم کیف حیات اب مجھ کو پیاسا جانے دے
مے جس میں مری تقدیر کی تھی وہ شیشہ تجھ سے ٹوٹ گیا
گو شیشہ گر قدرت نے بہت ٹوٹے ہوئے شیشے جوڑ دئیے
لیکن یہ ہمارا شیشۂ دل جوڑا نہ گیا یوں ٹوٹ گیا
اس ساز پہ نغمہ اب چھیڑو تو نالہ پیدا ہوتا ہے
موجود ہیں وہ سب تار جو تھے بس ایک نہیں ہے ٹوٹ گیا
ہم روتے ہیں اپنے پیاروں کو اور فطرت ہم سے کہتی ہے
اب اور کھلونوں سے کھیلو جو ٹوٹ گیا سو ٹوٹ گیا
وہ راہ میں ہے آنکھوں میں ہے دم اے باد صبا آہستہ گزر
ہیں تار نفس پر ہچکولے اب ٹوٹ گیا اب ٹوٹ گیا
کہتے ہو کہ مانگو جو مانگو بتلاؤ تمہی ہم کیا مانگیں
چاہا تھا کہ مانگیں تم سے تمہیں یہ ہو نہ سکا جی چھوٹ گیا
ہاں سن کہ تجھے تھی ہم سے غرض محتاج نظر تھا حسن ترا
رکھی رہی شان استغنا آخر کو یہ بھانڈا پھوٹ گیا
یہ دل تو وہی دل ہے رضویؔ آباد بھی تھا ویران بھی ہے
ارمانوں کی اس بستی کو کل ایک مسافر لوٹ گیا