भीगी भीगी घटाएँ उठीं धीमी धीमी फुवारें आईं
रफ़्ता रफ़्ता तमन्ना जागी चुपके चुपके बहारें आईं
ज़िक्र-ओ-फ़िक्र में कुछ दिन झूले होश नहीं अब हैं वो झकोले
आगे रिम-झिम रिम-झिम बूँदें और पीछे बौछारें आईं
आलम-ए-शौक़ से उन का क़ैदी तौक़-ओ-सलासिल पहने आया
काँपे 'अर्श के पाए जब ज़ंजीरों की झंकारें आईं
मुद्दत से सैलाब बने वो बुनियादों को खोद रहे थे
टूटने पर अब दैर-ए-ख़ुदी की पथरीली दीवारें आईं
दोनों जहाँ की सारी पूँजी बार हुई है जिन नाक़ों पर
मर्द-ए-गदा के हाथ में क्यूँकर उन नाक़ों की महारें आईं
तेरे फ़क़ीर को रस्ता चलते इज़्ज़त-ओ-ज़िल्लत में उलझाने
मंदिर से पूजाएँ दौड़ीं मस्जिद से फटकारें आईं
गोश-ए-अर्श का बोसा लेने दहर से उठ कर बारी बारी
काफ़िर की फ़रियादें आईं ग़ाज़ी की ललकारें आईं
उस की अपनी फ़ितरत जीती मेरे गुनाह पे रहमत बरसी
जैसे माँ की छाती उमडी जैसे दूध की धारें आईं
bhīgī bhīgī ghaTā.eñ uThīñ dhīmī dhīmī phuvāreñ aa.iiñ
rafta rafta tamanna jaagī chupke chupke bahāreñ aa.iiñ
zikr-o-fikr meñ kuchh din jhūle hosh nahīñ ab haiñ vo jhakole
aage rim-jhim rim-jhim būñdeñ aur pīchhe bauchhāreñ aa.iiñ
ālam-e-shauq se un kā qaidī tauq-o-salāsil pahne aayā
kāñpe 'arsh ke paa.e jab zanjīroñ kī jhankāreñ aa.iiñ
muddat se sailāb bane vo buniyādoñ ko khod rahe the
TūTne par ab dair-e-ḳhudī kī pathrīlī dīvāreñ aa.iiñ
donoñ jahāñ kī saarī pūñjī baar huī hai jin nāqoñ par
mard-e-gadā ke haath meñ kyūñkar un nāqoñ kī mahāreñ aa.iiñ
tere faqīr ko rasta chalte izzat-o-zillat meñ uljhāne
mandir se pūjā.eñ dauḌīñ masjid se phaTkāreñ aa.iiñ
gosh-e-arsh kā bosa lene dahr se uTh kar baarī baarī
kāfir kī fariyādeñ aa.iiñ ġhāzī kī lālkāreñ aa.iiñ
us kī apnī fitrat jiitī mere gunāh pe rahmat barsī
jaise maañ kī chhātī umDī jaise duudh kī dhāreñ aa.iiñ
بھیگی بھیگی گھٹائیں اٹھیں دھیمی دھیمی پھواریں آئیں
رفتہ رفتہ تمنا جاگی چپکے چپکے بہاریں آئیں
ذکر و فکر میں کچھ دن جھولے ہوش نہیں اب ہیں وہ جھکولے
آگے رم جھم رم جھم بوندیں اور پیچھے بوچھاریں آئیں
عالم شوق سے ان کا قیدی طوق و سلاسل پہنے آیا
کانپے عرش کے پائے جب زنجیروں کی جھنکاریں آئیں
مدت سے سیلاب بنے وہ بنیادوں کو کھود رہے تھے
ٹوٹنے پر اب دیر خودی کی پتھریلی دیواریں آئیں
دونوں جہاں کی ساری پونجی بار ہوئی ہے جن ناقوں پر
مرد گدا کے ہاتھ میں کیونکر ان ناقوں کی مہاریں آئیں
تیرے فقیر کو رستہ چلتے عزت و ذلت میں الجھانے
مندر سے پوجائیں دوڑیں مسجد سے پھٹکاریں آئیں
گوش عرش کا بوسہ لینے دہر سے اٹھ کر باری باری
کافر کی فریادیں آئیں غازی کی للکاریں آئیں
اس کی اپنی فطرت جیتی میرے گناہ پہ رحمت برسی
جیسے ماں کی چھاتی امڈی جیسے دودھ کی دھاریں آئیں