पहले ज़रा मुहासबा-ए-ज़ात भी तो हो
दुनिया पड़ी है घर से शुरूआ'त भी तो हो
समझे हैं सब अना के धुँदलके को रौशनी
शमएँ कहाँ जलाऊँ कहीं रात भी तो हो
पिन्हाँ है आँसुओं में सुराग़-ए-शगुफ़्त-ए-गुल
सहरा-ए-बे-ज़मीर में बरसात भी तो हो
इक मसअले के बा'द नया मसअला है रोज़
कुछ मो'तबर ये गर्दिश-ए-हालात भी तो हो
चेहरे से दिल का हाल पढ़ें और रो भी लें
जिस से मिले हैं उस से मुलाक़ात भी तो हो
मुश्किल नहीं हवाओं में जलने लगें चराग़
शब-ज़ाद रास्तों में तिरा साथ भी तो हो
मैं तब्सिरा करूँ न ख़ुदा की ज़मीन पर
ठोकर लगे बिना गुज़र-औक़ात भी तो हो
लम्हों की मुट्ठियों में है सदियों की रौशनी
लेकिन नज़र में वक़्त की औक़ात भी तो हो
pahle zarā muhāsba-e-zāt bhī to ho
duniyā paḌī hai ghar se shurūāt bhī to ho
samjhe haiñ sab anā ke dhuñdalke ko raushnī
sham.eñ kahāñ jalā.ūñ kahīñ raat bhī to ho
pinhāñ hai āñsuoñ meñ surāġh-e-shaguft-e-gul
sahrā-e-be-zamīr meñ barsāt bhī to ho
ik mas.ale ke baa'd nayā mas.ala hai roz
kuchh mo'atabar ye gardish-e-hālāt bhī to ho
chehre se dil kā haal paḌheñ aur ro bhī leñ
jis se mile haiñ us se mulāqāt bhī to ho
mushkil nahīñ havāoñ meñ jalne lageñ charāġh
shab-zād rāstoñ meñ tirā saath bhī to ho
maiñ tabsira karūñ na ḳhudā kī zamīn par
Thokar lage binā guzar-auqāt bhī to ho
lamhoñ kī muTThiyoñ meñ hai sadiyoñ kī raushnī
lekin nazar meñ vaqt kī auqāt bhī to ho
پہلے ذرا محاسبۂ ذات بھی تو ہو
دنیا پڑی ہے گھر سے شروعات بھی تو ہو
سمجھے ہیں سب انا کے دھندلکے کو روشنی
شمعیں کہاں جلاؤں کہیں رات بھی تو ہو
پنہاں ہے آنسوؤں میں سراغ شگفت گل
صحرائے بے ضمیر میں برسات بھی تو ہو
اک مسئلے کے بعد نیا مسئلہ ہے روز
کچھ معتبر یہ گردش حالات بھی تو ہو
چہرے سے دل کا حال پڑھیں اور رو بھی لیں
جس سے ملے ہیں اس سے ملاقات بھی تو ہو
مشکل نہیں ہواؤں میں جلنے لگیں چراغ
شب زاد راستوں میں ترا ساتھ بھی تو ہو
میں تبصرہ کروں نہ خدا کی زمین پر
ٹھوکر لگے بنا گزر اوقات بھی تو ہو
لمحوں کی مٹھیوں میں ہے صدیوں کی روشنی
لیکن نظر میں وقت کی اوقات بھی تو ہو