पड़े पड़े नई ज़र-ख़ेज़ियाँ निकल आईं
कटे दरख़्त में फिर टहनियाँ निकल आईं
उस आइने में था सरसब्ज़ बाग़ का मंज़र
छुआ जो मैं ने तो दो तितलियाँ निकल आईं
मैं तोड़ डाला गया तो इमारत-ए-जाँ में
कहाँ कहाँ से मिरी चाबियाँ निकल आईं
मैं आसमान पे पहुँचा तो लड़खड़ाने लगा
बुलंदियों में 'अजब पस्तियाँ निकल आईं
ठहर गए तो मयस्सर हुई न जा-ए-अमाँ
जो चल पड़े तो कई बस्तियाँ निकल आईं
वही नसीब कि मैं शहरयार जिस से बना
उसी नसीब में तंग-दसतियाँ निकल आईं
मिरे 'इलाज को अल्लाह इस्तक़ामत दे
मिरे मरीज़ की फिर पस्लियाँ निकल आईं
मैं आसमान से उतरा ज़मीन की जानिब
ज़मीं से मेरी तरफ़ सीढ़ियाँ निकल आईं
वही सुराख़ जहाँ छिपकिली का डेरा था
उसी सूराख़ से फिर च्यूंटियाँ निकल आईं
अभी अभी तो सँभाला गया था गर्द-ओ-ग़ुबार
हिसार-ए-दश्त में फिर आँधियाँ निकल आईं
सँभाल रखा था अम्मी ने जिस को मौत तलक
उसी कबाड़ से कुछ तख़्तियाँ निकल आईं
मैं आख़िरी था जिसे सरफ़राज़ होना था
मिरे हुनर में भी कोताहियाँ निकल आईं
paḌe paḌe na.ī zar-ḳheziyāñ nikal aa.iiñ
kaTe daraḳht meñ phir Tahniyāñ nikal aa.iiñ
us aa.ine meñ thā sarsabz baaġh kā manzar
chhuā jo maiñ ne to do titliyāñ nikal aa.iiñ
maiñ toḌ Daalā gayā to imārat-e-jāñ meñ
kahāñ kahāñ se mirī chābiyāñ nikal aa.iiñ
maiñ āsmān pe pahuñchā to laḌkhaḌāne lagā
bulandiyoñ meñ 'ajab pastiyāñ nikal aa.iiñ
Thahar ga.e to mayassar huī na jā-e-amāñ
jo chal paḌe to ka.ī bastiyāñ nikal aa.iiñ
vahī nasīb ki maiñ shahryār jis se banā
usī nasīb meñ tañg-dastiyāñ nikal aa.iiñ
mire 'ilāj ko allāh istaqāmat de
mire marīz kī phir pasliyāñ nikal aa.iiñ
maiñ āsmān se utrā zamīn kī jānib
zamīñ se merī taraf sīḌhiyāñ nikal aa.iiñ
vahī surāḳh jahāñ chhipkilī kā Derā thā
usī sūrāḳh se phir chyūñTiyāñ nikal aa.iiñ
abhī abhī to sambhālā gayā thā gard-o-ġhubār
hisār-e-dasht meñ phir āñdhiyāñ nikal aa.iiñ
sañbhāl rakhā thā ammī ne jis ko maut talak
usī kabāḌ se kuchh taḳhtiyāñ nikal aa.iiñ
maiñ āḳhirī thā jise sarfarāz honā thā
mire hunar meñ bhī kotāhiyāñ nikal aa.iiñ
پڑے پڑے نئی زر خیزیاں نکل آئیں
کٹے درخت میں پھر ٹہنیاں نکل آئیں
اس آئنے میں تھا سرسبز باغ کا منظر
چھوا جو میں نے تو دو تتلیاں نکل آئیں
میں توڑ ڈالا گیا تو عمارت جاں میں
کہاں کہاں سے مری چابیاں نکل آئیں
میں آسمان پہ پہنچا تو لڑکھڑانے لگا
بلندیوں میں عجب پستیاں نکل آئیں
ٹھہر گئے تو میسر ہوئی نہ جائے اماں
جو چل پڑے تو کئی بستیاں نکل آئیں
وہی نصیب کہ میں شہریار جس سے بنا
اسی نصیب میں تنگ دستیاں نکل آئیں
مرے علاج کو اللہ استقامت دے
مرے مریض کی پھر پسلیاں نکل آئیں
میں آسمان سے اترا زمین کی جانب
زمیں سے میری طرف سیڑھیاں نکل آئیں
وہی سوراخ جہاں چھپکلی کا ڈیرا تھا
اسی سوراخ سے پھر چیونٹیاں نکل آئیں
ابھی ابھی تو سنبھالا گیا تھا گرد و غبار
حصار دشت میں پھر آندھیاں نکل آئیں
سنبھال رکھا تھا امی نے جس کو موت تلک
اسی کباڑ سے کچھ تختیاں نکل آئیں
میں آخری تھا جسے سرفراز ہونا تھا
مرے ہنر میں بھی کوتاہیاں نکل آئیں