पाता हूँ सहल ज़ीस्त के मुश्किल सफ़र को मैं
क्यों कर दुआ न दूँ बुत-ए-दीवाना-गर को मैं
छोटी सी अपनी बात तो अफ़्साना बन गई
जब बज़्म में छुपा न सका चश्म-ए-तर को मैं
एक इक क़दम पे झुकता रहा है सर-ए-नियाज़
मंज़िल ही अपनी समझा तिरी रहगुज़र को मैं
ऐ साग़र-ए-हयात तिरी तल्ख़ियाँ क़ुबूल
साक़ी को साथ पाऊँ जो लुत्फ़-ए-नज़र को मैं
दम भर रुका जो इश्क़ की मंज़िल में खो गया
एक इक से पूछता हूँ कि जाऊँ किधर को मैं
फिर बे-ख़ुदी से होश की जानिब हूँ बढ़ रहा
फिर ढूँढता हूँ आज तुम्हारी नज़र को मैं
यूँ छेड़ता हूँ पीरी में क़िस्से शबाब के
फिर ढूँढता हूँ राख में गोया शरर को मैं
आए न वो 'हबीब' न दिल की कली खिली
फिर क्यों न शाम-ए-ग़म कहूँ ऐसी सहर को मैं
paatā huuñ sahl ziist ke mushkil safar ko maiñ
kyoñ kar duā na duuñ but-e-dīvāna-gar ko maiñ
chhoTī sī apnī baat to afsāna ban ga.ī
jab bazm meñ chhupā na sakā chashm-e-tar ko maiñ
ek ik qadam pe jhuktā rahā hai sar-e-niyāz
manzil hī apnī samjhā tirī rahguzar ko maiñ
ai sāġhar-e-hayāt tirī talḳhiyāñ qubūl
saaqī ko saath pā.ūñ jo lutf-e-nazar ko maiñ
dam bhar rukā jo ishq kī manzil meñ kho gayā
ek ik se pūchhtā huuñ ki jā.ūñ kidhar ko maiñ
phir be-ḳhudī se hosh kī jānib huuñ baḌh rahā
phir DhūñDhtā huuñ aaj tumhārī nazar ko maiñ
yuuñ chheḌtā huuñ piirī meñ qisse shabāb ke
phir DhūñDhtā huuñ raakh meñ goyā sharar ko maiñ
aa.e na vo 'habīb' na dil kī kalī khilī
phir kyoñ na shām-e-ġham kahūñ aisī sahar ko maiñ
پاتا ہوں سہل زیست کے مشکل سفر کو میں
کیوں کر دعا نہ دوں بت دیوانہ گر کو میں
چھوٹی سی اپنی بات تو افسانہ بن گئی
جب بزم میں چھپا نہ سکا چشم تر کو میں
ایک اک قدم پہ جھکتا رہا ہے سر نیاز
منزل ہی اپنی سمجھا تری رہ گزر کو میں
اے ساغر حیات تری تلخیاں قبول
ساقی کو ساتھ پاؤں جو لطف نظر کو میں
دم بھر رکا جو عشق کی منزل میں کھو گیا
ایک اک سے پوچھتا ہوں کہ جاؤں کدھر کو میں
پھر بے خودی سے ہوش کی جانب ہوں بڑھ رہا
پھر ڈھونڈھتا ہوں آج تمہاری نظر کو میں
یوں چھیڑتا ہوں پیری میں قصے شباب کے
پھر ڈھونڈھتا ہوں راکھ میں گویا شرر کو میں
آئے نہ وہ حبیبؔ نہ دل کی کلی کھلی
پھر کیوں نہ شام غم کہوں ایسی سحر کو میں