निकल पड़ा है वो सूरज नई तपन ले कर
चला है ले के वो बर्छी कि फिर किरन ले कर
जो मेरे हिस्सा का बादल है क्यों नहीं बरसा
कहाँ मैं जाऊँ भला तन की ये अगन ले कर
हर एक शख़्स गया छोड़ कर मुझे आगे
कहीं मैं मर ही न जाऊँ यही जलन ले कर
फ़क़ीर हम हैं कि झोला उठा के चल देंगे
कहाँ कहाँ लिए फिरते रहेंगे धन ले कर
ज़मीं पे चाँद सितारे उतार लाएँगे
चले हैं दिल में हम अपने यही लगन ले कर
बिरह की मारी मैं बिरहन कहाँ से सुख भोगूँ
चुरा के मेरी ख़ुशी सब गया सजन ले कर
गुलाब होंटों में ज़ुल्फ़ों में यास में उन के
वो घर से निकले हैं ख़ुशबू-भरा बदन ले कर
दयार-ए-यार में हम छोड़ आए दिल 'साबिर'
कि लौट आए हैं अपना निढाल तन ले कर
nikal paḌā hai vo sūraj na.ī tapan le kar
chalā hai le ke vo barchhī ki phir kiran le kar
jo mere hissa kā bādal hai kyoñ nahīñ barsā
kahāñ maiñ jā.ūñ bhalā tan kī ye agan le kar
har ek shaḳhs gayā chhoḌ kar mujhe aage
kahīñ maiñ mar hī na jā.ūñ yahī jalan le kar
faqīr ham haiñ ki jholā uThā ke chal deñge
kahāñ kahāñ liye phirte raheñge dhan le kar
zamīñ pe chāñd sitāre utaar lā.eñge
chale haiñ dil meñ ham apne yahī lagan le kar
birah kī maarī maiñ birhan kahāñ se sukh bhogūñ
churā ke merī ḳhushī sab gayā sajan le kar
gulāb hoñToñ meñ zulfoñ meñ yaas meñ un ke
vo ghar se nikle haiñ ḳhushbū-bharā badan le kar
dayār-e-yār meñ ham chhoḌ aa.e dil 'sābir'
ki lauT aa.e haiñ apnā niDhāl tan le kar
نکل پڑا ہے وہ سورج نئی تپن لے کر
چلا ہے لے کے وہ برچھی کہ پھر کرن لے کر
جو میرے حصہ کا بادل ہے کیوں نہیں برسا
کہاں میں جاؤں بھلا تن کی یہ اگن لے کر
ہر ایک شخص گیا چھوڑ کر مجھے آگے
کہیں میں مر ہی نہ جاؤں یہی جلن لے کر
فقیر ہم ہیں کہ جھولا اٹھا کے چل دیں گے
کہاں کہاں لیے پھرتے رہیں گے دھن لے کر
زمیں پہ چاند ستارے اتار لائیں گے
چلے ہیں دل میں ہم اپنے یہی لگن لے کر
برہ کی ماری میں برہن کہاں سے سکھ بھوگوں
چرا کے میری خوشی سب گیا سجن لے کر
گلاب ہونٹوں میں زلفوں میں یاس میں ان کے
وہ گھر سے نکلے ہیں خوشبو بھرا بدن لے کر
دیار یار میں ہم چھوڑ آئے دل صابرؔ
کہ لوٹ آئے ہیں اپنا نڈھال تن لے کر