निगाह-ए-शोख़ जब उस से लड़ी है
तो बिजली थरथरा कर गिर पड़ी है
उसे भी मुझ को भी ज़िद आ पड़ी है
ख़राबी बीच वालों की बड़ी है
क़यामत में क़यामत कर गया कौन
कि दिल थामे सफ़-ए-महशर खड़ी है
करें क्या रिंद तौबा मय से ज़ाहिद
कि ये तो उन की घुट्टी में पड़ी है
क़दम जमता नहीं तेरी गली में
किसी बेताब की मय्यत गड़ी है
अदू भी तंग है उन के सितम से
उसे अपनी मुझे अपनी पड़ी है
अभी मैं ने किया था याद उस को
वो आया उम्र क़ासिद की बड़ी है
बना है मुद्दई पैग़ाम-बर भी
जड़ी है जब मिरी खूटी जड़ी है
किया है मैं ने ज़ब्त-ए-आह जिस दम
अनी बरछी की सीने में गड़ी है
गुल-ए-बिस्तर सितारे बन गए हैं
तिरे माथे से जब अफ़्शाँ झड़ी है
ये कहता है मिरा शौक़-ए-शहादत
तिरी तलवार फूलों की छड़ी है
वो रूठें ग़ैर से तो हम मनाएँ
पराई आफ़त अपने सर पड़ी है
तुझे देता हूँ अपनी जान भी मैं
मिरे दिल से मिरी हिम्मत बड़ी है
टलें वो कब जो दिल लेने पे अड़ जाएँ
ये क्या कुछ खेल चौसर की अड़ी है
इलाही कब सहर होगी शब-ए-हिज्र
क़यामत की घड़ी है जो घड़ी है
बिगड़ कर हम ने सौ इल्ज़ाम पाए
अब उन की हर तरह से बन पड़ी है
ग़ज़ल इक और भी ऐ 'दाग़' लिक्खो
तबीअत इस ज़मीं में कुछ लड़ी है
nigāh-e-shoḳh jab us se laḌī hai
to bijlī thartharā kar gir paḌī hai
use bhī mujh ko bhī zid aa paḌī hai
ḳharābī biich vāloñ kī baḌī hai
qayāmat meñ qayāmat kar gayā kaun
ki dil thāme saf-e-mehshar khaḌī hai
kareñ kyā rind tauba mai se zāhid
ki ye to un kī ghuTTī meñ paḌī hai
qadam jamtā nahīñ terī galī meñ
kisī betāb kī mayyat gaḌī hai
adū bhī tañg hai un ke sitam se
use apnī mujhe apnī paḌī hai
abhī maiñ ne kiyā thā yaad us ko
vo aayā umr qāsid kī baḌī hai
banā hai mudda.ī paiġhām-bar bhī
jaḌī hai jab mirī khūTī jaḌī hai
kiyā hai maiñ ne zabt-e-āh jis dam
anī barchhī kī siine meñ gaḌī hai
gul-e-bistar sitāre ban ga.e haiñ
tire māthe se jab afshāñ jhaḌī hai
ye kahtā hai mirā shauq-e-shahādat
tirī talvār phūloñ kī chhaḌī hai
vo rūTheñ ġhair se to ham manā.eñ
parā.ī aafat apne sar paḌī hai
tujhe detā huuñ apnī jaan bhī maiñ
mire dil se mirī himmat baḌī hai
Taleñ vo kab jo dil lene pe aḌ jaa.eñ
ye kyā kuchh khel chausar kī aḌī hai
ilāhī kab sahar hogī shab-e-hijr
qayāmat kī ghaḌī hai jo ghaḌī hai
bigaḌ kar ham ne sau ilzām paa.e
ab un kī har tarah se ban paḌī hai
ġhazal ik aur bhī ai 'dāġh' likkho
tabī.at is zamīñ meñ kuchh laḌī hai
نگاہ شوخ جب اس سے لڑی ہے
تو بجلی تھرتھرا کر گر پڑی ہے
اسے بھی مجھ کو بھی ضد آ پڑی ہے
خرابی بیچ والوں کی بڑی ہے
قیامت میں قیامت کر گیا کون
کہ دل تھامے صف محشر کھڑی ہے
کریں کیا رند توبہ مے سے زاہد
کہ یہ تو ان کی گھٹی میں پڑی ہے
قدم جمتا نہیں تیری گلی میں
کسی بیتاب کی میت گڑی ہے
عدو بھی تنگ ہے ان کے ستم سے
اسے اپنی مجھے اپنی پڑی ہے
ابھی میں نے کیا تھا یاد اس کو
وہ آیا عمر قاصد کی بڑی ہے
بنا ہے مدعی پیغام بر بھی
جڑی ہے جب مری کھوٹی جڑی ہے
کیا ہے میں نے ضبط آہ جس دم
انی برچھی کی سینے میں گڑی ہے
گل بستر ستارے بن گئے ہیں
ترے ماتھے سے جب افشاں جھڑی ہے
یہ کہتا ہے مرا شوق شہادت
تری تلوار پھولوں کی چھڑی ہے
وہ روٹھیں غیر سے تو ہم منائیں
پرائی آفت اپنے سر پڑی ہے
تجھے دیتا ہوں اپنی جان بھی میں
مرے دل سے مری ہمت بڑی ہے
ٹلیں وہ کب جو دل لینے پہ اڑ جائیں
یہ کیا کچھ کھیل چوسر کی اڑی ہے
الٰہی کب سحر ہوگی شب ہجر
قیامت کی گھڑی ہے جو گھڑی ہے
بگڑ کر ہم نے سو الزام پائے
اب ان کی ہر طرح سے بن پڑی ہے
غزل اک اور بھی اے داغؔ لکھو
طبیعت اس زمیں میں کچھ لڑی ہے