निगाह बर्क़ नहीं चेहरा आफ़्ताब नहीं
वो आदमी है मगर देखने की ताब नहीं
गुनह गुनह न रहा इतनी बादा-नोशी की
अब एक शग़्ल है कुछ लज़्ज़त-ए-शराब नहीं
हमें तो दूर से आँखें दिखाई जाती हैं
नक़ाब लिपटी है उस पर कोई इताब नहीं
पिए बग़ैर चढ़ी रहती है हसीनों को
वहाँ शबाब है क्या कम अगर शराब नहीं
बहार देता है छन छन के नूर चेहरे का
सर-ए-नक़ाब है जो कुछ तह-ए-नक़ाब नहीं
वो अपने अक्स को आवाज़ दे के कहते हैं
तिरा जवाब तो मैं हूँ मिरा जवाब नहीं
उसे भी आप के होंटों का पड़ गया चसका
हज़ार छोड़िए छुटने की अब शराब नहीं
बुतों से पर्दा उठाने की बहस है बेकार
खुली दलील है काबा भी बे-नक़ाब नहीं
'जलील' ख़त्म न हो दौर-ए-जाम-ए-मीनाई
कि इस शराब से बढ़ कर कोई शराब नहीं
nigāh barq nahīñ chehra āftāb nahīñ
vo aadmī hai magar dekhne kī taab nahīñ
gunah gunah na rahā itnī bāda-noshī kī
ab ek shaġhl hai kuchh lazzat-e-sharāb nahīñ
hameñ to duur se āñkheñ dikhā.ī jaatī haiñ
naqāb lipTī hai us par koī itaab nahīñ
piye baġhair chaḌhī rahtī hai hasīnoñ ko
vahāñ shabāb hai kyā kam agar sharāb nahīñ
bahār detā hai chhan chhan ke nuur chehre kā
sar-e-naqāb hai jo kuchh tah-e-naqāb nahīñ
vo apne aks ko āvāz de ke kahte haiñ
tirā javāb to maiñ huuñ mirā javāb nahīñ
use bhī aap ke hoñToñ kā paḌ gayā chaskā
hazār chhoḌiye chhuTne kī ab sharāb nahīñ
butoñ se parda uThāne kī bahas hai bekār
khulī dalīl hai kaaba bhī be-naqāb nahīñ
'jalīl' ḳhatm na ho daur-e-jām-e-mīnā.ī
ki is sharāb se baḌh kar koī sharāb nahīñ
نگاہ برق نہیں چہرہ آفتاب نہیں
وہ آدمی ہے مگر دیکھنے کی تاب نہیں
گنہ گنہ نہ رہا اتنی بادہ نوشی کی
اب ایک شغل ہے کچھ لذت شراب نہیں
ہمیں تو دور سے آنکھیں دکھائی جاتی ہیں
نقاب لپٹی ہے اس پر کوئی عتاب نہیں
پیے بغیر چڑھی رہتی ہے حسینوں کو
وہاں شباب ہے کیا کم اگر شراب نہیں
بہار دیتا ہے چھن چھن کے نور چہرے کا
سر نقاب ہے جو کچھ تہ نقاب نہیں
وہ اپنے عکس کو آواز دے کے کہتے ہیں
ترا جواب تو میں ہوں مرا جواب نہیں
اسے بھی آپ کے ہونٹوں کا پڑ گیا چسکا
ہزار چھوڑیئے چھٹنے کی اب شراب نہیں
بتوں سے پردہ اٹھانے کی بحث ہے بے کار
کھلی دلیل ہے کعبہ بھی بے نقاب نہیں
جلیلؔ ختم نہ ہو دور جام مینائی
کہ اس شراب سے بڑھ کر کوئی شراب نہیں