नज़रें झुकी सवाल पे मेरे जवाब में
क्या क्या न कह गई है निगाहें हिजाब में
मिज़राब ही से साज़ में है सारी नग़्मगी
है ज़िंदगी का लुत्फ़ निहाँ इज़्तिराब में
राह-ए-वफ़ा में उस के क़दम डगमगाएँ क्यों
देखा है जिस ने तेरा करम भी इताब में
सदक़े निगाह-ए-नाज़ के हूँ बे-नियाज़-ए-जाम
आए ये कैफ़-ए-हुस्न कहाँ से शराब में
मैं रह-नवर्द-ए-शौक़ हूँ मुझ को कहाँ ये होश
राहत में गुज़रे दिल कि ये गुज़रे अज़ाब में
रह रह के अब रुलाती है पीरी में उन की याद
हँस हँस के ज़ख़्म खाए जो हम ने शबाब में
ये ताज़गी ये रंग भी आया कहाँ से है
काँटों का ख़ून ही तो है शायद गुलाब में
पूरे कहाँ हुए मिरे अरमाँ गुनाह के
क्या ख़ाक दिल लगेगा अभी से सवाब में
बेदारियों की ताब न हम ला सके 'हबीब'
गुज़री हयात एक मुसलसल से ख़्वाब में
nazreñ jhukī savāl pe mere javāb meñ
kyā kyā na kah ga.ī hai nigāheñ hijāb meñ
mizrāb hī se saaz meñ hai saarī naġhmagī
hai zindagī kā lutf nihāñ iztirāb meñ
rāh-e-vafā meñ us ke qadam Dagmagā.eñ kyoñ
dekhā hai jis ne terā karam bhī itaab meñ
sadqe nigāh-e-nāz ke huuñ be-niyāz-e-jām
aa.e ye kaif-e-husn kahāñ se sharāb meñ
maiñ rah-navard-e-shauq huuñ mujh ko kahāñ ye hosh
rāhat meñ guzre dil ki ye guzre azaab meñ
rah rah ke ab rulātī hai piirī meñ un kī yaad
hañs hañs ke zaḳhm khaa.e jo ham ne shabāb meñ
ye tāzgī ye rañg bhī aayā kahāñ se hai
kāñToñ kā ḳhuun hī to hai shāyad gulāb meñ
puure kahāñ hue mire armāñ gunāh ke
kyā ḳhaak dil lagegā abhī se savāb meñ
bedāriyoñ kī taab na ham lā sake 'habīb'
guzrī hayāt ek musalsal se ḳhvāb meñ
نظریں جھکی سوال پہ میرے جواب میں
کیا کیا نہ کہہ گئی ہے نگاہیں حجاب میں
مضراب ہی سے ساز میں ہے ساری نغمگی
ہے زندگی کا لطف نہاں اضطراب میں
راہ وفا میں اس کے قدم ڈگمگائیں کیوں
دیکھا ہے جس نے تیرا کرم بھی عتاب میں
صدقے نگاہ ناز کے ہوں بے نیاز جام
آئے یہ کیف حسن کہاں سے شراب میں
میں رہ نورد شوق ہوں مجھ کو کہاں یہ ہوش
راحت میں گزرے دل کہ یہ گزرے عذاب میں
رہ رہ کے اب رلاتی ہے پیری میں ان کی یاد
ہنس ہنس کے زخم کھائے جو ہم نے شباب میں
یہ تازگی یہ رنگ بھی آیا کہاں سے ہے
کانٹوں کا خون ہی تو ہے شاید گلاب میں
پورے کہاں ہوئے مرے ارماں گناہ کے
کیا خاک دل لگے گا ابھی سے ثواب میں
بیداریوں کی تاب نہ ہم لا سکے حبیبؔ
گزری حیات ایک مسلسل سے خواب میں