नश्तर सी दिल में चुभती हुई बात ले चलें
आए हैं तो ख़ुलूस की सौग़ात ले चलें
वीरानियों के घर में मिरा दम ही घुट न जाए
आ ऐ ख़याल-ए-यार तुझे साथ ले चलें
जब रौशनी थी चलता था साया भी साथ साथ
अब है अँधेरी रात किसे साथ ले चलें
जिस में उमीद-ओ-यास फ़रेब-ए-नज़र रही
इस हफ़्त-ख़्वान-ए-ग़म की रिवायात ले चलें
शम-ए-उमीद जिस में फ़रोज़ाँ न हो सकी
अब उस की बज़्म-ए-नाज़ में वो रात ले चलें
कुछ बेकसों के घर जले कुछ बे-दयार हैं
उन के हुज़ूर अश्कों की बरसात ले चलें
रंग-ए-शफ़क़ में ख़ून-ए-शहीदाँ है जल्वा-गर
अपने अज़ीम मुल्क की सौग़ात ले चलें
अपने नगर में बस यही किर्चें हैं हर तरफ़
कुछ गौहर-ए-तलाफ़ी-ए-माफ़ात ले चलें
nashtar sī dil meñ chubhtī huī baat le chaleñ
aa.e haiñ to ḳhulūs kī sauġhāt le chaleñ
vīrāniyoñ ke ghar meñ mirā dam hī ghuT na jaa.e
aa ai ḳhayāl-e-yār tujhe saath le chaleñ
jab raushnī thī chaltā thā saaya bhī saath saath
ab hai añdherī raat kise saath le chaleñ
jis meñ umīd-o-yās fareb-e-nazar rahī
is haft-ḳhvān-e-ġham kī rivāyāt le chaleñ
sham-e-umīd jis meñ farozāñ na ho sakī
ab us kī bazm-e-nāz meñ vo raat le chaleñ
kuchh bekasoñ ke ghar jale kuchh be-dayār haiñ
un ke huzūr ashkoñ kī barsāt le chaleñ
rañg-e-shafaq meñ ḳhūn-e-shahīdāñ hai jalva-gar
apne aziim mulk kī sauġhāt le chaleñ
apne nagar meñ bas yahī kircheñ haiñ har taraf
kuchh gauhar-e-talāfī-e-māfāt le chaleñ
نشتر سی دل میں چبھتی ہوئی بات لے چلیں
آئے ہیں تو خلوص کی سوغات لے چلیں
ویرانیوں کے گھر میں مرا دم ہی گھٹ نہ جائے
آ اے خیال یار تجھے ساتھ لے چلیں
جب روشنی تھی چلتا تھا سایہ بھی ساتھ ساتھ
اب ہے اندھیری رات کسے ساتھ لے چلیں
جس میں امید و یاس فریب نظر رہی
اس ہفت خوان غم کی روایات لے چلیں
شمع امید جس میں فروزاں نہ ہو سکی
اب اس کی بزم ناز میں وہ رات لے چلیں
کچھ بیکسوں کے گھر جلے کچھ بے دیار ہیں
ان کے حضور اشکوں کی برسات لے چلیں
رنگ شفق میں خون شہیداں ہے جلوہ گر
اپنے عظیم ملک کی سوغات لے چلیں
اپنے نگر میں بس یہی کرچیں ہیں ہر طرف
کچھ گوہر تلافیٔ مافات لے چلیں