देखे तो तमद्दुन का बनना कोई उर्दू में
बेगाना मिज़ाजों की है दोस्ती उर्दू में
अल्फ़ाज़ नए ढाले क्या क्या नई उर्दू में
राइज मुतबादिल हैं जिन के कई उर्दू में
है क़ैद इलाक़े की मज़हब की न मिल्लत की
मिलते हैं दिल-ओ-जाँ के रिश्ते कई उर्दू में
ज़ोलीदा-बयाँ वो हैं पेचीदा ज़बाँ उन की
इक शर्त सफ़ाई की बस रह गई उर्दू में
है तर्जुमे के बल पर ये दाम-ए-ज़बाँ-दानी
इक काविश-ए-बे-दानिश फिर फँस गई उर्दू में
अब शायद इसी सूरत कुछ बात बने उन की
सोची थी जो इंग्लिश में तहरीर की उर्दू में
ये उन की निगारिश है या दूसरों की उतरन
ये सारी बड़ी बातें हैं कौन सी उर्दू में
देखी जो मिरी उचकन वो शोख़ पुकार उट्ठा
जचने लगे सरकार अब अपनी नई उर्दू में
क्या ख़ूब ही जचती है इन मशरिक़ी कपड़ों में
अंग्रेज़ी में ये क्या थी क्या हो गई उर्दू में
शिकवा न शिकायत है पेचीदा बयानी की
क्यूँ तल्ख़ ये लहजा है कहिए भई उर्दू में
dekhe to tamaddun kā banñā koī urdu meñ
begāna mizājoñ kī hai dostī urdu meñ
alfāz na.e Dhāle kyā kyā na.ī urdu meñ
raa.ij mutabādil haiñ jin ke ka.ī urdu meñ
hai qaid ilāqe kī maz.hab kī na millat kī
milte haiñ dil-o-jāñ ke rishte ka.ī urdu meñ
zholīda-bayāñ vo haiñ pechīda zabāñ un kī
ik shart safā.ī kī bas rah ga.ī urdu meñ
hai tarjume ke bal par ye dām-zabāñ-dānī
ik kāvish-e-be-dānish phir phañs ga.ī urdu meñ
ab shāyad isī sūrat kuchh baat bane un kī
sochī thī jo english meñ tahrīr kī urdu meñ
ye un kī nigārish hai yā dūsroñ kī utran
ye saarī baḌī bāteñ haiñ kaun sī urdu meñ
dekhī jo mirī uchkan vo shoḳh pukār uTThā
jachne lage sarkār ab apnī na.ī urdu meñ
kyā ḳhuub hī jachtī hai in mashriqī kapḌoñ meñ
añgrezī meñ ye kyā thī kyā ho ga.ī urdu meñ
shikva na shikāyat hai pechīda bayānī kī
kyuuñ talḳh ye lahja hai kahiye bha.ī urdu meñ
دیکھے تو تمدن کا بننا کوئی اردو میں
بیگانہ مزاجوں کی ہے دوستی اردو میں
الفاظ نئے ڈھالے کیا کیا نئی اردو میں
رائج متبادل ہیں جن کے کئی اردو میں
ہے قید علاقے کی مذہب کی نہ ملت کی
ملتے ہیں دل و جاں کے رشتے کئی اردو میں
ژولیدہ بیاں وہ ہیں پیچیدہ زباں ان کی
اک شرط صفائی کی بس رہ گئی اردو میں
ہے ترجمے کے بل پر یہ دام زباں دانی
اک کاوش بے دانش پھر پھنس گئی اردو میں
اب شاید اسی صورت کچھ بات بنے ان کی
سوچی تھی جو انگلش میں تحریر کی اردو میں
یہ ان کی نگارش ہے یا دوسروں کی اترن
یہ ساری بڑی باتیں ہیں کون سی اردو میں
دیکھی جو مری اچکن وہ شوخ پکار اٹھا
جچنے لگے سرکار اب اپنی نئی اردو میں
کیا خوب ہی جچتی ہے ان مشرقی کپڑوں میں
انگریزی میں یہ کیا تھی کیا ہو گئی اردو میں
شکوہ نہ شکایت ہے پیچیدہ بیانی کی
کیوں تلخ یہ لہجہ ہے کہیے بھئی اردو میں