नहीं ऐसा कि कभी शौक़ पर-अफ़्शाँ भी नहीं
दिल को था नाज़ कि वीराँ है सो वीराँ भी नहीं
क्यों हैं तूफ़ान की ज़द में हरम-ओ-दैर-ओ-कुनिश्त
इन मज़ारों पे तो मुद्दत से चराग़ाँ भी नहीं
किस ने इस अंजुमन-ए-शौक़ को ताराज किया
दिल गुज़रगाह-ए-ख़यालात-ए-परेशाँ भी नहीं
शौक़-ए-अफ़्सुर्दा का मुझ से न गिला कर कि मुझे
ए'तिबार-ए-करम-ए-जुम्बिश-ए-मिज़्गाँ भी नहीं
जल्वा-आबाद-ए-तसव्वुर ब-अदाकारी-ए-शौक़
अब तो मरहून-ए-फ़ुसूँ-साज़ी-ए-जानाँ भी नहीं
काएनात अपनी हमें दे के भी फ़ारिग़ नहीं आप
हम तो कुछ मुद्दई-ए-वुसअ'त-ए-दामाँ भी नहीं
कभी इस सम्त को भी बहर-ए-तमाशा निकलो
दिल का हैरत-कदा ऐसा कोई वीराँ भी नहीं
हैरत-आबाद तमाशा में न ज़ुल्मत है न नूर
कोई पिन्हाँ भी नहीं है कोई उर्यां भी नहीं
कब से मयख़ाने में 'रिज़वी' नहीं आया है नज़र
इस ख़िज़ाँ-दोस्त को कुछ शर्म-ए-बहाराँ भी नहीं
nahīñ aisā ki kabhī shauq par-afshāñ bhī nahīñ
dil ko thā naaz ki vīrāñ hai so vīrāñ bhī nahīñ
kyoñ haiñ tūfān kī zad meñ haram-o-dair-o-kunisht
in mazāroñ pe to muddat se charāġhāñ bhī nahīñ
kis ne is anjuman-e-shauq ko tārāj kiyā
dil guzargāh-e-ḳhayālāt-e-pareshāñ bhī nahīñ
shauq-e-afsurda kā mujh se na gila kar ki mujhe
e.atibār-e-karam-e-jumbish-e-mizhgāñ bhī nahīñ
jalva-ābād-e-tasavvur ba-adākārī-e-shauq
ab to marhūn-e-fusūñ-sāzī-e-jānāñ bhī nahīñ
kā.enāt apnī hameñ de ke bhī fāriġh nahīñ aap
ham to kuchh mudda.ī-e-vus.at-e-dāmāñ bhī nahīñ
kabhī is samt ko bhī bahr-e-tamāshā niklo
dil kā hairat-kada aisā koī vīrāñ bhī nahīñ
hairat-ābād tamāshā meñ na zulmat hai na nuur
koī pinhāñ bhī nahīñ hai koī uryāñ bhī nahīñ
kab se maiḳhāne meñ 'rizvī' nahīñ aaya hai nazar
is ḳhizāñ-dost ko kuchh sharm-e-bahārāñ bhī nahīñ
نہیں ایسا کہ کبھی شوق پرافشاں بھی نہیں
دل کو تھا ناز کہ ویراں ہے سو ویراں بھی نہیں
کیوں ہیں طوفان کی زد میں حرم و دیر و کنشت
ان مزاروں پہ تو مدت سے چراغاں بھی نہیں
کس نے اس انجمن شوق کو تاراج کیا
دل گزر گاہ خیالات پریشاں بھی نہیں
شوق افسردہ کا مجھ سے نہ گلہ کر کہ مجھے
اعتبار کرم جنبش مژگاں بھی نہیں
جلوہ آباد تصور بہ اداکاریٔ شوق
اب تو مرہون فسوں سازیٔ جاناں بھی نہیں
کائنات اپنی ہمیں دے کے بھی فارغ نہیں آپ
ہم تو کچھ مدعیٔ وسعت داماں بھی نہیں
کبھی اس سمت کو بھی بہر تماشا نکلو
دل کا حیرت کدہ ایسا کوئی ویراں بھی نہیں
حیرت آباد تماشا میں نہ ظلمت ہے نہ نور
کوئی پنہاں بھی نہیں ہے کوئی عریاں بھی نہیں
کب سے میخانے میں رضویؔ نہیں آیا ہے نظر
اس خزاں دوست کو کچھ شرم بہاراں بھی نہیں