नग़्मा-ए-ज़ीस्त गुनगुनाए कौन
आगही का 'अज़ाब उठाए कौन
दोनों राज़ी तो हैं सुल्ह के लिए
पर अना है कि पहले आए कौन
लाख दुश्मन ने मारना चाहा
जिस को रक्खे ख़ुदा मिटाए कौन
जी में आता है उस से बात करें
बात अपनी मगर बनाए कौन
उस ने वा'दे तो बे-शुमार किए
अपने वा'दे मगर निभाए कौन
दिल की बस्ती में कोई क्या आए
ये जो उजड़े तो फिर बसाए कौन
आँख में किर्चियाँ हैं पहले ही
ख़्वाब अब के नए सजाए कौन
जो किसी की दु'आ में शामिल हो
हाथ उस के लिए उठाए कौन
जब त'अल्लुक़ ही तर्क कर बैठे
कौन रूठा करे मनाए कौन
जो हुए हैं जुदा इरादे से
ऐसे बिछड़ों को फिर मिलाए कौन
'ताहिरा' अन-कही ही रहने दो
दिल की बातें तुम्हारी पाए कौन
naġhma-e-zīst gungunā.e kaun
āgahī kā 'azāb uThā.e kaun
donoñ raazī to haiñ sulh ke liye
par anā hai ki pahle aa.e kaun
laakh dushman ne mārnā chāhā
jis ko rakkhe ḳhudā miTā.e kaun
jī meñ aatā hai us se baat kareñ
baat apnī magar banā.e kaun
us ne vā'de to be-shumār kiye
apne vā'de magar nibhā.e kaun
dil kī bastī meñ koī kyā aa.e
ye jo ujḌe to phir basā.e kaun
aañkh meñ kirchiyāñ haiñ pahle hī
ḳhvāb ab ke na.e sajā.e kaun
jo kisī kī du'ā meñ shāmil ho
haath us ke liye uThā.e kaun
jab ta'alluq hī tark kar baiThe
kaun rūThā kare manā.e kaun
jo hue haiñ judā irāde se
aise bichhḌoñ ko phir milā.e kaun
'tāhira' an-kahī hī rahne do
dil kī bāteñ tumhārī paa.e kaun
نغمۂ زیست گنگنائے کون
آگہی کا عذاب اٹھائے کون
دونوں راضی تو ہیں صلح کے لیے
پر انا ہے کہ پہلے آئے کون
لاکھ دشمن نے مارنا چاہا
جس کو رکھے خدا مٹائے کون
جی میں آتا ہے اس سے بات کریں
بات اپنی مگر بنائے کون
اس نے وعدے تو بے شمار کیے
اپنے وعدے مگر نبھائے کون
دل کی بستی میں کوئی کیا آئے
یہ جو اجڑے تو پھر بسائے کون
آنکھ میں کرچیاں ہیں پہلے ہی
خواب اب کے نئے سجائے کون
جو کسی کی دعا میں شامل ہو
ہاتھ اس کے لیے اٹھائے کون
جب تعلق ہی ترک کر بیٹھے
کون روٹھا کرے منائے کون
جو ہوئے ہیں جدا ارادے سے
ایسے بچھڑوں کو پھر ملائے کون
طاہرہؔ ان کہی ہی رہنے دو
دل کی باتیں تمہاری پائے کون