कभी असर न मिरे हर्फ़-ए-मुद्दआ' में रहा
न इख़्तियार कोई दस्त-ए-ना-रसा में रहा
नसीब-ए-दुख़्तर-ए-हव्वा जफ़ा-ओ-जौर-ओ-सितम
शुमार हुस्न-ओ-नज़ाकत में और वफ़ा में रहा
अमीर-ए-शहर कि था ज़ो'म-ए-इक़्तिदार में गुम
ग़रीब-ए-शहर सदा जब्र-ए-नारवा में रहा
उतर गया रग-ओ-पै में वो ज़हर की मानिंद
मिसाल-ए-शहद जो इक शख़्स इब्तिदा में रहा
मैं हो सकी न कभी अपनी ज़ात तक महदूद
हर एक फूल चमन का मिरी दुआ में रहा
मैं वो मरीज़ हूँ जिस के लिए न कोई असर
किसी के हर्फ़-ए-तसल्ली में और दुआ में रहा
वो मुझ को देख के करता रहा है अन-देखा
अजीब तर्ज़-ए-तग़ाफ़ुल भी ए'तिना में रहा
kabhī asar na mire harf-e-mudda.ā meñ rahā
na iḳhtiyār koī dast-e-nā-rasā meñ rahā
nasīb-e-duḳhtar-e-havvā jafā-o-jaur-o-sitam
shumār husn-o-nazākat meñ aur vafā meñ rahā
amīr-e-shahr ki thā zo.am-e-eqtidār meñ gum
ġharīb-e-shahr sadā jabr-e-nāravā meñ rahā
utar gayā rag-o-pai meñ vo zahr kī mānind
misāl-e-shahd jo ik shaḳhs ibtidā meñ rahā
maiñ ho sakī na kabhī apnī zaat tak mahdūd
har ek phuul chaman kā mirī duā meñ rahā
maiñ vo marīz huuñ jis ke liye na koī asar
kisī ke harf-e-tasallī meñ aur duā meñ rahā
vo mujh ko dekh ke kartā rahā hai an-dekhā
ajiib tarz-e-taġhāful bhī e'tinā meñ rahā
کبھی اثر نہ مرے حرف مدعا میں رہا
نہ اختیار کوئی دست نارسا میں رہا
نصیب دختر حوا جفا و جور و ستم
شمار حسن و نزاکت میں اور وفا میں رہا
امیر شہر کہ تھا زعم اقتدار میں گم
غریب شہر سدا جبر ناروا میں رہا
اتر گیا رگ و پے میں وہ زہر کی مانند
مثال شہد جو اک شخص ابتدا میں رہا
میں ہو سکی نہ کبھی اپنی ذات تک محدود
ہر ایک پھول چمن کا مری دعا میں رہا
میں وہ مریض ہوں جس کے لیے نہ کوئی اثر
کسی کے حرف تسلی میں اور دعا میں رہا
وہ مجھ کو دیکھ کے کرتا رہا ہے ان دیکھا
عجیب طرز تغافل بھی اعتنا میں رہا