नाज़-ओ-अदा है तुझ से दिल-आराम के लिए
ये जामा क़त्अ है तिरे अंदाम के लिए
वहशत में काबे को जो गया कू-ए-यार से
लत्ते जुनूँ ने जामा-ए-एहराम के लिए
आशिक़ हूँ हर तरह से गुनहगार हूँ तिरा
हाजत क़ुसूर की नहीं इल्ज़ाम के लिए
क्या क्या जपेगी कैसा रटेगी ज़बाँ उसे
तस्बीह हम ने ली है तिरे नाम के लिए
तिफ़्ली के गिर्ये का ये खुला हाल वक़्त-ए-मर्ग
आग़ाज़ ही में रोते थे अंजाम के लिए
अच्छा नहीं मुक़ाबला उस चश्म-ए-शोख़ से
इक दिन शिकस्त-ए-फ़ाश है बादाम के लिए
वो नौनिहाल आए इलाही मुराद पर
हासिल हो पुख़्तगी समर-ए-ख़ाम के लिए
हर-चंद अपना नामा-ए-इस्याँ सियाह हो
होगा सफ़ेद सुब्ह है हर शाम के लिए
नामर्द और मर्द में इतना ही फ़र्क़ है
वो नान के लिए मरे ये नाम के लिए
मिस्ल-ए-कमंद अपनी रसाई हुइ अगर
ऐ क़स्र-ए-यार बोसे लब-ए-बाम के लिए
क्या चश्म-ए-मस्त-ए-यार से तश्बीह दीजिए
कैफ़िय्यत-ए-निगाह नहीं जाम के लिए
रखवा के ज़ुल्फ़ें यार ने लाखों ही मुर्ग़-ए-दिल
पैदा किए हैं कश्मकश-ए-दाम के लिए
दिल में सिवाए यार जगह हो न ग़ैर की
ख़ल्वत सरा-ए-ख़ास नहीं आम के लिए
जाता है बहर-ए-ग़ुस्ल जो ऐ ख़ुश-दिमाग़ तू
जलता है ऊद गर्मी-ए-हम्माम के लिए
'आतिश' जो चाहे पाए तवक्कुल के महकमे
जो सुब्ह को मिले न रहे शाम के लिए
nāz-o-adā hai tujh se dil-ārām ke liye
ye jaama qat.a hai tire andām ke liye
vahshat meñ kaabe ko jo gayā kū-e-yār se
latte junūñ ne jāma-e-ehrām ke liye
āshiq huuñ har tarah se gunahgār huuñ tirā
hājat qusūr kī nahīñ ilzām ke liye
kyā kyā japegī kaisā raTegī zabāñ use
tasbīh ham ne lī hai tire naam ke liye
tiflī ke girye kā ye khulā haal vaqt-e-marg
āġhāz hī meñ rote the anjām ke liye
achchhā nahīñ muqābla us chashm-e-shoḳh se
ik din shikast-e-fāsh hai bādām ke liye
vo naunihāl aa.e ilāhī murād par
hāsil ho puḳhtagī samar-e-ḳhām ke liye
har-chand apnā nāma-e-isyāñ siyāh ho
hogā safed sub.h hai har shaam ke liye
nāmard aur mard meñ itnā hī farq hai
vo naan ke liye mare ye naam ke liye
misl-e-kamand apnī rasā.ī hui agar
ai qasr-e-yār bose lab-e-bām ke liye
kyā chashm-e-mast-e-yār se tashbīh dījiye
kaifiyyat-e-nigāh nahīñ jaam ke liye
rakhvā ke zulfeñ yaar ne lākhoñ hī murġh-e-dil
paidā kiye haiñ kashmakash-e-dām ke liye
dil meñ sivā.e yaar jagah ho na ġhair kī
ḳhalvat sarā-e-ḳhās nahīñ aam ke liye
jaatā hai bahr-e-ġhusl jo ai ḳhush-dimāġh tū
jaltā hai uud garmī-e-hammām ke liye
'ātish' jo chāhe paa.e tavakkul ke mahkame
jo sub.h ko mile na rahe shaam ke liye
ناز و ادا ہے تجھ سے دل آرام کے لیے
یہ جامہ قطع ہے ترے اندام کے لیے
وحشت میں کعبے کو جو گیا کوئے یار سے
لتے جنوں نے جامۂ احرام کے لیے
عاشق ہوں ہر طرح سے گنہ گار ہوں ترا
حاجت قصور کی نہیں الزام کے لیے
کیا کیا جپے گی کیسا رٹے گی زباں اسے
تسبیح ہم نے لی ہے ترے نام کے لیے
طفلی کے گریہ کا یہ کھلا حال وقت مرگ
آغاز ہی میں روتے تھے انجام کے لیے
اچھا نہیں مقابلہ اس چشم شوخ سے
اک دن شکست فاش ہے بادام کے لیے
وہ نونہال آئے الٰہی مراد پر
حاصل ہو پختگی ثمر خام کے لیے
ہر چند اپنا نامۂ عصیاں سیاہ ہو
ہوگا سفید صبح ہے ہر شام کے لیے
نامرد اور مرد میں اتنا ہی فرق ہے
وہ نان کے لیے مرے یہ نام کے لیے
مثل کمند اپنی رسائی ہوئی اگر
اے قصر یار بوسے لب بام کے لیے
کیا چشم مست یار سے تشبیہ دیجئے
کیفیت نگاہ نہیں جام کے لیے
رکھوا کے زلفیں یار نے لاکھوں ہی مرغ دل
پیدا کئے ہیں کشمکش دام کے لیے
دل میں سوائے یار جگہ ہو نہ غیر کی
خلوت سرائے خاص نہیں عام کے لیے
جاتا ہے بہر غسل جو اے خوش دماغ تو
جلتا ہے عود گرمیٔ حمام کے لیے
آتشؔ جو چاہے پائے توکل کے محکمے
جو صبح کو ملے نہ رہے شام کے لیے