नाम भी जिस का ज़बाँ पर था दुआओं की तरह
वो मुझे मिलता रहा ना-आश्नाओं की तरह
आ कि तेरे मुंतज़िर हैं आज भी दीवार-ओ-दर
गूँजता है घर में सन्नाटा सदाओं की तरह
वो शजर जलता रहा ख़ुद किस कड़कती धूप में
जिस का साया था मिरे सर पर घटाओं की तरह
झुक रहे थे बाग़ के सब फूल उस के सामने
घास पर बैठा था वो फ़र्मां-रवाओं की तरह
मैं भला कैसे उसे इक अजनबी कह दूँ 'नसीम'
जिस ने देखा था पलट कर आश्नाओं की तरह
naam bhī jis kā zabāñ par thā duāoñ kī tarah
vo mujhe miltā rahā nā-āshnāoñ kī tarah
aa ki tere muntazir haiñ aaj bhī dīvār-o-dar
gūñjtā hai ghar meñ sannāTā sadāoñ kī tarah
vo shajar jaltā rahā ḳhud kis kaḌaktī dhuup meñ
jis kā saaya thā mire sar par ghaTāoñ kī tarah
jhuk rahe the baaġh ke sab phuul us ke sāmne
ghaas par baiThā thā vo farmāñ-ravāoñ kī tarah
maiñ bhalā kaise use ik ajnabī kah duuñ 'nasīm'
jis ne dekhā thā palaT kar āshnāoñ kī tarah
نام بھی جس کا زباں پر تھا دعاؤں کی طرح
وہ مجھے ملتا رہا نا آشناؤں کی طرح
آ کہ تیرے منتظر ہیں آج بھی دیوار و در
گونجتا ہے گھر میں سناٹا صداؤں کی طرح
وہ شجر جلتا رہا خود کس کڑکتی دھوپ میں
جس کا سایہ تھا مرے سر پر گھٹاؤں کی طرح
جھک رہے تھے باغ کے سب پھول اس کے سامنے
گھاس پر بیٹھا تھا وہ فرماں رواؤں کی طرح
میں بھلا کیسے اسے اک اجنبی کہہ دوں نسیمؔ
جس نے دیکھا تھا پلٹ کر آشناؤں کی طرح