न ये बदला न वो बदला न ये दिल का जहाँ बदला
अगर बदला यहाँ कुछ तो फ़क़त वो मेहरबाँ बदला
तुम्हें भी चैन की नींदें यहाँ सोने नहीं देंगी
अगर अज्दाद का तुम ने ज़रा सा भी निशाँ बदला
ज़माने में बहुत आया तग़य्युर दोस्तो लेकिन
ज़मीं जैसी की तैसी है न रंग-ए-आसमाँ बदला
अभी तक लोग क़ाएम हैं उन्हीं झूटी रिवायत पर
तुम्हारी हक़-बयानी से कोई आख़िर कहाँ बदला
हमेशा जिस के होंटों पर मोहब्बत की रहीं बातें
ख़ुदा जाने कि क्यों उस का है अंदाज़-ए-बयाँ बदला
क़दम आगे बढ़ाता ही रहा मैं सख़्त राहों पर
न हिम्मत ही मिरी टूटी न ये अज़्म-ए-जवाँ बदला
है उन को आज भी 'जाज़िल' वफ़ादारी पे शक लेकिन
न हम ने शाख़-ए-गुल छोड़ी न हम ने आशियाँ बदला
na ye badlā na vo badlā na ye dil kā jahāñ badlā
agar badlā yahāñ kuchh to faqat vo mehrbāñ badlā
tumheñ bhī chain kī nīñdeñ yahāñ sone nahīñ deñgī
agar ajdād kā tum ne zarā sā bhī nishāñ badlā
zamāne meñ bahut aaya taġhayyur dosto lekin
zamīñ jaisī kī taisī hai na rang-e-āsmāñ badlā
abhī tak log qaa.em haiñ unhīñ jhūTī rivāyat par
tumhārī haq-bayānī se koī āḳhir kahāñ badlā
hamesha jis ke hoñToñ par mohabbat kī rahīñ bāteñ
ḳhudā jaane ki kyoñ us kā hai andāz-e-bayāñ badlā
qadam aage baḌhātā hī rahā maiñ saḳht rāhoñ par
na himmat hī mirī TuuTī na ye azm-e-javāñ badlā
hai un ko aaj bhī 'jāzil' vafādārī pe shak lekin
na ham ne shāḳh-e-gul chhoḌī na ham ne āshiyāñ badlā
نہ یہ بدلا نہ وہ بدلا نہ یہ دل کا جہاں بدلا
اگر بدلا یہاں کچھ تو فقط وہ مہرباں بدلا
تمہیں بھی چین کی نیندیں یہاں سونے نہیں دیں گی
اگر اجداد کا تم نے ذرا سا بھی نشاں بدلا
زمانے میں بہت آیا تغیر دوستو لیکن
زمیں جیسی کی تیسی ہے نہ رنگ آسماں بدلا
ابھی تک لوگ قائم ہیں انہیں جھوٹی روایت پر
تمہاری حق بیانی سے کوئی آخر کہاں بدلا
ہمیشہ جس کے ہونٹوں پر محبت کی رہیں باتیں
خدا جانے کہ کیوں اس کا ہے انداز بیاں بدلا
قدم آگے بڑھاتا ہی رہا میں سخت راہوں پر
نہ ہمت ہی مری ٹوٹی نہ یہ عزم جواں بدلا
ہے ان کو آج بھی جاذلؔ وفاداری پہ شک لیکن
نہ ہم نے شاخ گل چھوڑی نہ ہم نے آشیاں بدلا