न रंग-ओ-बू है न कैफ़-ओ-नग़्मा नज़र में भी दिलरुबा नहीं है
मैं कैसे समझूँ बहार आई कि ग़ुंचा दिल का खिला नहीं है
तिरी मोहब्बत के ख़्वाब देखे तिरी मोहब्बत के गीत गाए
तेरी मोहब्बत में क्या न पाया तेरी मोहब्बत में क्या नहीं है
छुपाऊँ ज़ख़्मों के अपने दिल में न आए नोक-ए-मिज़ा पे आँसू
करो न रुस्वा यूँ अपने ग़म को कि ये तो रस्म-ए-वफ़ा नहीं है
वो साज़-ए-दिल जो कभी था छेड़ा तिरी नज़र ने ब-नाज़-ओ-शोख़ी
वो अब भी नग़्मा-सरा है लेकिन निकलती कोई सदा नहीं है
वो गुज़रे वक़्तों की अब हैं यादें सहारे जिन के मैं जी रहा हूँ
कहो न मुझ से कि उन में क्या है ये मुझ से पूछो कि क्या नहीं है
न जाने तेरी तलाश में क्यों भटक भटक कर मैं रह गया हूँ
वगर्ना हर ज़र्रा-ए-ज़मीं पर जहाँ तिरा नक़्श-ए-पा नहीं है
हयात की शाम काश मेरी तिरी ही यादों में बीत जाए
कि वक़्त-ए-आख़िर ये कह सकूँ मैं कि ज़िंदगी से गिला नहीं है
ये बुग़्ज़-ओ-नफ़रत के शो'ले हर सू बना रहे हैं वतन को दोज़ख़
हमीं हैं चुप-चाप और बे-हिस कि जैसे कुछ भी हुआ नहीं है
मुझे ज़रूरत 'हबीब' क्या है चराग़-ए-दैर-ओ-हरम की आख़िर
जो दिल में भड़का था शो'ला-ए-ग़म वो जल रहा है बुझा नहीं है
na rañg-o-bū hai na kaif-o-naġhma nazar meñ bhī dilrubā nahīñ hai
maiñ kaise samjhūñ bahār aa.ī ki ġhuncha dil kā khilā nahīñ hai
tirī mohabbat ke ḳhvāb dekhe tirī mohabbat ke giit gaa.e
terī mohabbat meñ kyā na paayā terī mohabbat meñ kyā nahīñ hai
chhupā.ūñ zaḳhmoñ ke apne dil meñ na aa.e nok-e-mizha pe aañsū
karo na rusvā yuuñ apne ġham ko ki ye to rasm-e-vafā nahīñ hai
vo sāz-e-dil jo kabhī thā chheḌā tirī nazar ne ba-nāz-o-shoḳhī
vo ab bhī naġhma-sarā hai lekin nikaltī koī sadā nahīñ hai
vo guzre vaqtoñ kī ab haiñ yādeñ sahāre jin ke maiñ jī rahā huuñ
kaho na mujh se ki un meñ kyā hai ye mujh se pūchho ki kyā nahīñ hai
na jaane terī talāsh meñ kyoñ bhaTak bhaTak kar maiñ rah gayā huuñ
vagarna har zarra-e-zamīñ par jahāñ tirā naqsh-e-pā nahīñ hai
hayāt kī shaam kaash merī tirī hī yādoñ meñ biit jaa.e
ki vaqt-e-āḳhir ye kah sakūñ maiñ ki zindagī se gilā nahīñ hai
ye buġhz-o-nafrat ke sho.ale har sū banā rahe haiñ vatan ko dozaḳh
hamīñ haiñ chup-chāp aur be-his ki jaise kuchh bhī huā nahīñ hai
mujhe zarūrat 'habīb' kyā hai charāġh-e-dair-o-haram kī āḳhir
jo dil meñ bhaḌkā thā sho.ala-e-ġham vo jal rahā hai bujhā nahīñ hai
نہ رنگ و بو ہے نہ کیف و نغمہ نظر میں بھی دل ربا نہیں ہے
میں کیسے سمجھوں بہار آئی کہ غنچہ دل کا کھلا نہیں ہے
تری محبت کے خواب دیکھے تری محبت کے گیت گائے
تیری محبت میں کیا نہ پایا تیری محبت میں کیا نہیں ہے
چھپاؤں زخموں کے اپنے دل میں نہ آئے نوک مژہ پہ آنسو
کرو نہ رسوا یوں اپنے غم کو کہ یہ تو رسم وفا نہیں ہے
وہ ساز دل جو کبھی تھا چھیڑا تری نظر نے بہ ناز و شوخی
وہ اب بھی نغمہ سرا ہے لیکن نکلتی کوئی صدا نہیں ہے
وہ گزرے وقتوں کی اب ہیں یادیں سہارے جن کے میں جی رہا ہوں
کہو نہ مجھ سے کہ ان میں کیا ہے یہ مجھ سے پوچھو کہ کیا نہیں ہے
نہ جانے تیری تلاش میں کیوں بھٹک بھٹک کر میں رہ گیا ہوں
وگرنہ ہر ذرۂ زمیں پر جہاں ترا نقش پا نہیں ہے
حیات کی شام کاش میری تری ہی یادوں میں بیت جائے
کہ وقت آخر یہ کہہ سکوں میں کہ زندگی سے گلا نہیں ہے
یہ بغض و نفرت کے شعلے ہر سو بنا رہے ہیں وطن کو دوزخ
ہمیں ہیں چپ چاپ اور بے حس کہ جیسے کچھ بھی ہوا نہیں ہے
مجھے ضرورت حبیبؔ کیا ہے چراغ دیر و حرم کی آخر
جو دل میں بھڑکا تھا شعلۂ غم وہ جل رہا ہے بجھا نہیں ہے