न ख़ुशी अच्छी है ऐ दिल न मलाल अच्छा है
यार जिस हाल में रक्खे वही हाल अच्छा है
दिल-ए-बेताब को पहलू में मचलते क्या देर
सुन ले इतना किसी काफ़िर का जमाल अच्छा है
बात उल्टी वो समझते हैं जो कुछ कहता हूँ
अब के पूछा तो ये कह दूँगा कि हाल अच्छा है
सोहबत आईने से बचपन में ख़ुदा ख़ैर करे
वो अभी से कहीं समझें न जमाल अच्छा है
मुश्तरी दिल का ये कह कह के बनाया उन को
चीज़ अनोखी है नई जिंस है माल अच्छा है
चश्म ओ दिल जिस के हों मुश्ताक़ वो सूरत अच्छी
जिस की तारीफ़ हो घर घर वो जमाल अच्छा है
यार तक रोज़ पहुँचती है बुराई मेरी
रश्क होता है कि मुझ से मिरा हाल अच्छा है
अपनी आँखें नज़र आती हैं जो अच्छी उन को
जानते हैं मिरे बीमार का हाल अच्छा है
बातों बातों में लगा लाए हसीनों को 'जलील'
तुम को भी सेहर-बयानी में कमाल अच्छा है
na ḳhushī achchhī hai ai dil na malāl achchhā hai
yaar jis haal meñ rakkhe vahī haal achchhā hai
dil-e-betāb ko pahlū meñ machalte kyā der
sun le itnā kisī kāfir kā jamāl achchhā hai
baat ulTī vo samajhte haiñ jo kuchh kahtā huuñ
ab ke pūchhā to ye kah dūñgā ki haal achchhā hai
sohbat ā.īne se bachpan meñ ḳhudā ḳhair kare
vo abhī se kahīñ samjheñ na jamāl achchhā hai
mushtarī dil kā ye kah kah ke banāyā un ko
chiiz anokhī hai na.ī jins hai maal achchhā hai
chashm o dil jis ke hoñ mushtāq vo sūrat achchhī
jis kī tārīf ho ghar ghar vo jamāl achchhā hai
yaar tak roz pahuñchtī hai burā.ī merī
rashk hotā hai ki mujh se mirā haal achchhā hai
apnī āñkheñ nazar aatī haiñ jo achchhī un ko
jānte haiñ mire bīmār kā haal achchhā hai
bātoñ bātoñ meñ lagā laa.e hasīnoñ ko 'jalīl'
tum ko bhī sehr-bayānī meñ kamāl achchhā hai
نہ خوشی اچھی ہے اے دل نہ ملال اچھا ہے
یار جس حال میں رکھے وہی حال اچھا ہے
دل بیتاب کو پہلو میں مچلتے کیا دیر
سن لے اتنا کسی کافر کا جمال اچھا ہے
بات الٹی وہ سمجھتے ہیں جو کچھ کہتا ہوں
اب کے پوچھا تو یہ کہہ دوں گا کہ حال اچھا ہے
صحبت آئینے سے بچپن میں خدا خیر کرے
وہ ابھی سے کہیں سمجھیں نہ جمال اچھا ہے
مشتری دل کا یہ کہہ کہہ کے بنایا ان کو
چیز انوکھی ہے نئی جنس ہے مال اچھا ہے
چشم و دل جس کے ہوں مشتاق وہ صورت اچھی
جس کی تعریف ہو گھر گھر وہ جمال اچھا ہے
یار تک روز پہنچتی ہے برائی میری
رشک ہوتا ہے کہ مجھ سے مرا حال اچھا ہے
اپنی آنکھیں نظر آتی ہیں جو اچھی ان کو
جانتے ہیں مرے بیمار کا حال اچھا ہے
باتوں باتوں میں لگا لائے حسینوں کو جلیلؔ
تم کو بھی سحر بیانی میں کمال اچھا ہے