न गुमाँ रहने दिया है न यक़ीं रहने दिया
रास्ता कोई खुला हम ने नहीं रहने दिया
उस ने टुकड़ों में बिखेरा हुआ था मुझ को जहाँ
जा उठाया है कहीं से तो कहीं रहने दिया
सज रहे थे ये शब ओ रोज़ कुछ ऐसे तुझ से
हम को दुनिया ही पसंद आ गई दीं रहने दिया
ख़ुद तो बाग़ी हुए हम तुझ से मगर साथ ही साथ
दिल-ए-रुस्वा को तिरे ज़ेर-ए-नगीं रहने दिया
जा-ब-जा इस में भी तेरे ही निशाँ थे शामिल
हम ने इक नक़्श अगर अपने तईं रहने दिया
इक ख़बर थी जिसे ज़ाहिर न किया हम ने कभी
इक ख़ज़ाना था जिसे ज़ेर-ए-ज़मीं रहने दिया
ख़ुद तो बाहर हुए हम ख़ाना-ए-दिल से लेकिन
वो किसी ख़्वाब में था उस को यहीं रहने दिया
आसमाँ से कभी हम ने भी उतारा न उसे
और उस ने भी हमें ख़ाक-नशीं रहने दिया
हम ने छेड़ा नहीं अश्या-ए-मोहब्बत को 'ज़फ़र'
जो जहाँ पर थी पड़ी उस को वहीं रहने दिया
na gumāñ rahne diyā hai na yaqīñ rahne diyā
rāsta koī khulā ham ne nahīñ rahne diyā
us ne TukḌoñ meñ bikherā huā thā mujh ko jahāñ
jā uThāyā hai kahīñ se to kahīñ rahne diyā
saj rahe the ye shab o roz kuchh aise tujh se
ham ko duniyā hī pasand aa ga.ī diiñ rahne diyā
ḳhud to bāġhī hue ham tujh se magar saath hī saath
dil-e-rusvā ko tire zer-e-nagīñ rahne diyā
jā-ba-jā is meñ bhī tere hī nishāñ the shāmil
ham ne ik naqsh agar apne ta.iiñ rahne diyā
ik ḳhabar thī jise zāhir na kiyā ham ne kabhī
ik ḳhazāna thā jise zer-e-zamīñ rahne diyā
ḳhud to bāhar hue ham ḳhāna-e-dil se lekin
vo kisī ḳhvāb meñ thā us ko yahīñ rahne diyā
āsmāñ se kabhī ham ne bhī utārā na use
aur us ne bhī hameñ ḳhāk-nashīñ rahne diyā
ham ne chheḌā nahīñ ashyā-e-mohabbat ko 'zafar'
jo jahāñ par thī paḌī us ko vahīñ rahne diyā
نہ گماں رہنے دیا ہے نہ یقیں رہنے دیا
راستہ کوئی کھلا ہم نے نہیں رہنے دیا
اس نے ٹکڑوں میں بکھیرا ہوا تھا مجھ کو جہاں
جا اٹھایا ہے کہیں سے تو کہیں رہنے دیا
سج رہے تھے یہ شب و روز کچھ ایسے تجھ سے
ہم کو دنیا ہی پسند آ گئی دیں رہنے دیا
خود تو باغی ہوئے ہم تجھ سے مگر ساتھ ہی ساتھ
دل رسوا کو ترے زیر نگیں رہنے دیا
جا بجا اس میں بھی تیرے ہی نشاں تھے شامل
ہم نے اک نقش اگر اپنے تئیں رہنے دیا
اک خبر تھی جسے ظاہر نہ کیا ہم نے کبھی
اک خزانہ تھا جسے زیر زمیں رہنے دیا
خود تو باہر ہوئے ہم خانۂ دل سے لیکن
وہ کسی خواب میں تھا اس کو یہیں رہنے دیا
آسماں سے کبھی ہم نے بھی اتارا نہ اسے
اور اس نے بھی ہمیں خاک نشیں رہنے دیا
ہم نے چھیڑا نہیں اشیائے محبت کو ظفرؔ
جو جہاں پر تھی پڑی اس کو وہیں رہنے دیا