न घाट है कोई अपना न घर हमारा हुआ
क़याम अब के सर-ए-रह-गुज़र हमारा हुआ
ग़रज़ रही न कभी मंज़िलों से कोई हमें
हमेशा अपने ही अंदर सफ़र हमारा हुआ
उसी की रौशनी काम आई उम्र-भर अपने
जो इक सितारा फ़क़त शाम-भर हमारा हुआ
हमारे हिस्से में दीवार ही रही दिन रात
कोई दरीचा हमारा न दर हमारा हुआ
हमारे ख़ूँ से गुज़र कर ही तेग़-ए-बर्क़ बुझी
हमारे ख़स में उतर कर शरर हमारा हुआ
ज़र-ए-सुख़न जो लुटाया है रास्ते में कहीं
तो दूर दश्त-ए-हवा में ख़तर हमारा हुआ
रहे हैं बे-समर ओ साया ही सर-ए-हस्ती
बराए नाम यहाँ पर शजर हमारा हुआ
इसी में उलझे हुए हैं हमारे पाँव अभी
जो एक ख़्वाब कभी सर-ब-सर हमारा हुआ
किसी सनद की ज़रूरत नहीं पड़ी है 'ज़फ़र'
हमारा ऐब ही आख़िर हुनर हमारा हुआ
na ghaaT hai koī apnā na ghar hamārā huā
qayām ab ke sar-e-rah-guzar hamārā huā
ġharaz rahī na kabhī manziloñ se koī hameñ
hamesha apne hī andar safar hamārā huā
usī kī raushnī kaam aa.ī umr-bhar apne
jo ik sitāra faqat shām-bhar hamārā huā
hamāre hisse meñ dīvār hī rahī din raat
koī darīcha hamārā na dar hamārā huā
hamāre ḳhuuñ se guzar kar hī teġh-e-barq bujhī
hamāre ḳhas meñ utar kar sharar hamārā huā
zar-e-suḳhan jo luTāyā hai rāste meñ kahīñ
to duur dasht-e-havā meñ ḳhatar hamārā huā
rahe haiñ be-samar o saaya hī sar-e-hastī
barā.e naam yahāñ par shajar hamārā huā
isī meñ uljhe hue haiñ hamāre paañv abhī
jo ek ḳhvāb kabhī sar-ba-sar hamārā huā
kisī sanad kī zarūrat nahīñ paḌī hai 'zafar'
hamārā aib hī āḳhir hunar hamārā huā
نہ گھاٹ ہے کوئی اپنا نہ گھر ہمارا ہوا
قیام اب کے سر رہگزر ہمارا ہوا
غرض رہی نہ کبھی منزلوں سے کوئی ہمیں
ہمیشہ اپنے ہی اندر سفر ہمارا ہوا
اسی کی روشنی کام آئی عمر بھر اپنے
جو اک ستارہ فقط شام بھر ہمارا ہوا
ہمارے حصے میں دیوار ہی رہی دن رات
کوئی دریچہ ہمارا نہ در ہمارا ہوا
ہمارے خوں سے گزر کر ہی تیغ برق بجھی
ہمارے خس میں اتر کر شرر ہمارا ہوا
زر سخن جو لٹایا ہے راستے میں کہیں
تو دور دشت ہوا میں خطر ہمارا ہوا
رہے ہیں بے ثمر و سایہ ہی سر ہستی
برائے نام یہاں پر شجر ہمارا ہوا
اسی میں الجھے ہوئے ہیں ہمارے پاؤں ابھی
جو ایک خواب کبھی سر بہ سر ہمارا ہوا
کسی سند کی ضرورت نہیں پڑی ہے ظفرؔ
ہمارا عیب ہی آخر ہنر ہمارا ہوا