न बेताबी न आशुफ़्ता-सरी है
हमारी ज़िंदगी क्या ज़िंदगी है
फ़रेब-ए-आरज़ू खाएँ तो क्यूँ कर
तग़ाफ़ुल है न बेगाना-वशी है
फ़रोग़-ए-इश्क़ है महरूमियों से
वफ़ा-केशी ब-क़द्र-ए-ना-रसी है
मिरे क़स्र-ए-तमन्ना की निगहबाँ
निगाह-ए-नाज़ की बेगानगी है
मोहब्बत के सिवा जादा न मंज़िल
मोहब्बत के सिवा सब गुमरही है
मोहब्बत में शिकायत क्या गिला क्या
मोहब्बत बंदगी है बंदगी है
ख़ुदा बर-हक़ मगर इस को करें क्या
बुतों में सद-फ़ुसून-ए-दिलबरी है
मुझे नफ़रत नहीं जन्नत से लेकिन
गुनाहों में अजब इक दिलकशी है
न दो हूर-ओ-मय-ओ-कौसर के ता'ने
कि ज़ाहिद भी तो आख़िर आदमी है
na betābī na āshufta-sarī hai
hamārī zindagī kyā zindagī hai
fareb-e-ārzū khā.eñ to kyuuñ kar
taġhāful hai na begāna-vashī hai
faroġh-e-ishq hai mahrūmiyoñ se
vafā-keshī ba-qadr-e-nā-rasī hai
mire qasr-e-tamannā kī nigahbāñ
nigāh-e-nāz kī begānagī hai
mohabbat ke sivā jaada na manzil
mohabbat ke sivā sab gumrahī hai
mohabbat meñ shikāyat kyā gila kyā
mohabbat bandagī hai bandagī hai
ḳhudā bar-haq magar is ko kareñ kyā
butoñ meñ sad-fusūn-e-dilbarī hai
mujhe nafrat nahīñ jannat se lekin
gunāhoñ meñ ajab ik dilkashī hai
na do hūr-o-mai-o-kausar ke ta.ane
ki zāhid bhī to āḳhir aadmī hai
نہ بیتابی نہ آشفتہ سری ہے
ہماری زندگی کیا زندگی ہے
فریب آرزو کھائیں تو کیوں کر
تغافل ہے نہ بیگانہ وشی ہے
فروغ عشق ہے محرومیوں سے
وفا کیشی بہ قدر نا رسی ہے
مرے قصر تمنا کی نگہباں
نگاہ ناز کی بیگانگی ہے
محبت کے سوا جادہ نہ منزل
محبت کے سوا سب گمرہی ہے
محبت میں شکایت کیا گلہ کیا
محبت بندگی ہے بندگی ہے
خدا برحق مگر اس کو کریں کیا
بتوں میں صد فسون دلبری ہے
مجھے نفرت نہیں جنت سے لیکن
گناہوں میں عجب اک دل کشی ہے
نہ دو حور و مئے و کوثر کے طعنے
کہ زاہد بھی تو آخر آدمی ہے