मुस्तरद हो गया जब तेरा क़ुबूला हुआ मैं
याद क्या आऊँगा इस तरह से भूला हुआ मैं
बात मुझ में भी कुछ इस तरह की होगी जो यहाँ
कभी वापस ही न होता था वसूला हुआ मैं
ख़ाक थी और हवा थी मिरे अंदर बाहर
दश्त इक सामने था और बगूला हुआ मैं
नहीं मरने में भी दरकार त'आवुन मुझ को
छत से अपनी ही नज़र आऊँगा झूला हुआ मैं
वक़्त वो था कि ख़द-ओ-ख़ाल नुमायाँ थे मिरे
अब ये हालत है कि बस एक हयूला हुआ मैं
ये भी सच है कि 'अमल मुझ पे किसी ने न किया
वर्ना कहने को तो मशहूर मक़ूला हुआ मैं
इक नहूसत है मिरे मौसमों पर छाई हुई
है यही वज्ह कि फलता नहीं फूला हुआ मैं
फिर किसी से भी गिरह मुझ पे लगाई न गई
कोई बेढब ही बहुत मिस्र'अ-ए-ऊला हुआ मैं
मौत के साथ हुई है मिरी शादी सो 'ज़फ़र'
'उम्र के आख़िरी लम्हात में दूल्हा हुआ मैं
mustarad ho gayā jab terā qubūlā huā maiñ
yaad kyā ā.ūñgā is tarah se bhūlā huā maiñ
baat mujh meñ bhī kuchh is tarah kī hogī jo yahāñ
kabhī vāpas hī na hotā thā vasūlā huā maiñ
ḳhaak thī aur havā thī mire andar bāhar
dasht ik sāmne thā aur bagūlā huā maiñ
nahīñ marne meñ bhī darkār ta'āvun mujh ko
chhat se apnī hī nazar ā.ūñgā jhūlā huā maiñ
vaqt vo thā ki ḳhad-o-ḳhāl numāyāñ the mire
ab ye hālat hai ki bas ek hayūlā huā maiñ
ye bhī sach hai ki 'amal mujh pe kisī ne na kiyā
varna kahne ko to mash.hūr maqūla huā maiñ
ik nahūsat hai mire mausamoñ par chhā.ī huī
hai yahī vaj.h ki phaltā nahīñ phūlā huā maiñ
phir kisī se bhī girah mujh pe lagā.ī na ga.ī
koī beDhab hī bahut misra'a-e-ūlā huā maiñ
maut ke saath huī hai mirī shādī so 'zafar'
'umr ke āḳhirī lamhāt meñ dūlhā huā maiñ
مسترد ہو گیا جب تیرا قبولا ہوا میں
یاد کیا آؤں گا اس طرح سے بھولا ہوا میں
بات مجھ میں بھی کچھ اس طرح کی ہوگی جو یہاں
کبھی واپس ہی نہ ہوتا تھا وصولا ہوا میں
خاک تھی اور ہوا تھی مرے اندر باہر
دشت اک سامنے تھا اور بگولا ہوا میں
نہیں مرنے میں بھی درکار تعاون مجھ کو
چھت سے اپنی ہی نظر آؤں گا جھولا ہوا میں
وقت وہ تھا کہ خد و خال نمایاں تھے مرے
اب یہ حالت ہے کہ بس ایک ہیولیٰ ہوا میں
یہ بھی سچ ہے کہ عمل مجھ پہ کسی نے نہ کیا
ورنہ کہنے کو تو مشہور مقولہ ہوا میں
اک نحوست ہے مرے موسموں پر چھائی ہوئی
ہے یہی وجہ کہ پھلتا نہیں پھولا ہوا میں
پھر کسی سے بھی گرہ مجھ پہ لگائی نہ گئی
کوئی بے ڈھب ہی بہت مصرع اولیٰ ہوا میں
موت کے ساتھ ہوئی ہے مری شادی سو ظفرؔ
عمر کے آخری لمحات میں دولہا ہوا میں